Astana kúnine oraı elordada workout jattyǵý alańy paıdalanýǵa beriledi
ASTANA. QazAqparat - BI Group kompanııasy salaýatty ómir saltyn qalyptastyrý maqsatynda Astana kúnine oraı elordada workout jattyǵý alańyn salyp bermek.
Bul týraly búgin Ortalyq kommýnıkatsııalar qyzmetinde ótken baspasóz máslıxatynda BI Group kompanııasy dıvızıon dırektory Maksım Chernyshov málim etti.
"Astana qalasynyń týǵan kúnine oraı, kompanııa qalalyqtar úshin tegin workout jattyǵý alańyn salyp beredi. Jattyǵý alańy sol jaǵalaýda ornalasatyn bolady. Onda arnaıy jattyǵý qurylǵylarymen qatar, velosıped tebýge, júgirýge arnalǵan joldar salynady", - deıdi ol.
M. Chernyshovtyń aıtýynsha, júgiretin joldyń birinshi kezegi 15 mamyrda bitedi. Al 6 shilde kúni workout jattyǵý alańy tolyq paıdalanýǵa beriledi.
