Astana kúnine oraı «Astana - Aımaqtyq Elektrjelilik Kompanııasy» AQ jańa kesheni ashylady
ASTANA. QazAqparat - Bizdiń ómir súrýimizdiń ajyramas bir bóligi elektr energııasy bolyp tabylady. Onsyz ómirimizdi elestetý múmkin emes: jaryqtandyrý, lıftter, turmystyq tehnıka, bankomattar men kompıýterler elektr energııasyna tikeleı baılanysty. Osy qıyndyqtardy sezinbes úshin Astanada energetıkalyq keshen jyl ótken saıyn damyp keledi.
Bul týraly Astana qalasy ákimdiginiń baspasóz qyzmeti habarlaıdy.
Astanada jaqyn arada «Astana - Aımaqtyq Elektrjelilik Kompanııasy» AQ jańa ákimshilik-turmystyq kesheni ashylady. Jańa keshen Komsomolskıı kentinde Domalaq ana kóshesi, 7 meken-jaıy boıynsha ornalasady. Ol qalanyń energııa júıesiniń toqtaýsyz jumysyn qamtamasyz etedi.
«Ony ashý 4 shildege josparlanyp otyr. Bizdiń kásiporyn qurylǵaly beri bizde jóndeý sheberhanalary, ashanasy, kıim iletin bólmesi, jýynatyn jáne tutynýshylarmen jumys isteýge arnalǵan kabınetter keshenimen jeke ǵımaratymyz bolady. Bul jańa ǵımaratta elektrondy vıdeoqabyrǵalar bazasynda, jańa baǵdarlamalar bazasynda, shuǵyl jańa syzbalar men baǵdarlamalar bazasynda Eýropadan kelgen zamanaýı jańa dıspetcherler bolady», - «Astana-AEK» AQ basqarmasynyń tóraǵasy Aleksandr Smorodın.
Búgingi tańda qalanyń energııa júıesin damytý boıynsha negizgi joba - Astana mańyndaǵy «Batys», «Dostyq», «Shyǵys» úsh tirek stansalarynyń aınalasyndaǵy qurylys aıaqtalyp keledi. Ol elektr jelileriniń ótkizý múmkindigin 550-den 1500 Mvt-qa deıin ulǵaıtýǵa múmkindik beredi.
Shaǵyn beketter - bul qalanyń elektrmen qamtý boıynsha apattyq jaǵdaılarynan ózindik saqtandyrý. Osy shaǵyn beketterden qalanyń túrli bólikteri sáýlelermen qorektendirilgen jáne osy jeliler arqyly maksımaldy deńgeıde búkil qalaǵa elektr energııasyn tarata alady.
