Astana kúnine oraı ashyq buqaralyq velojarysy ótedi
ASTANA. QazAqparat - Astanada Qala kúnin merekeleý aıasynda «Qaısar Kerýen!» ashyq buqaralyq velojarysy ótedi. Atalmysh qaıyrymdylyq sharasy 29 maýsym kúni «Saltanat saraıy» aldyndaǵy alańda uıymdastyrylady. Velojarysqa kez kelgen astana turǵyny men qonaǵy qatysa alady, dep habarlaıdy strategy2050.kz saıty.
Tirkelý kezinde ár qatysýshyǵa lotereıa bıletiniń nómiri retinde utysqa qatysatyn tirkelý nómiri beriledi. Sátti nómir sáıkes kelgen veloshabandozdarǵa 20 jańa velosıped tartý etilmek. Aýktsıon men velojarystan túsken qarjy múmkindigi shekteýli jandar arasynda sportty damytý maqsatynda «Qaısar» astanalyq sport klýbynyń tálimgerlerine beriledi, dep Uıymdastyrý komıtetiniń medıa-shtabynan habarlady.
Velojarys barysyndaǵy qaıyrymdylyq sharasyna Serik Sápıev, Ilıa Ilın, Baqtııar Artaev, Ermahan Ybraıymov, ıÝrıı Melnıchenko syndy Olımpıada oıyndarynyń jeńimpazdary men metsenattar, otandyq estrada juldyzdary keledi. Sonymen birge «Astana» velokomandasynyń atynan baǵaly lotty aýktsıon uıymdastyrylady.
Velojarystyń barlyq baǵdarynda alǵashqy medıtsınalyq kómek kórsetý jáne qan qysymyn ólsheýge arnalǵan núkteler qarastyrylady. «Saltanat saraıy» aldyndaǵy alańda mıneraldy sý berý núktesi ornalasady.
Velojarys bul sporttyq doda emes, sharanyń maqsaty salaýatty ómir saltyn nasıhattaý jáne jastardy belsendi dene shynyqtyrý mádenıetine, ásirese velosıped sportyna tartý.
Ár astanalyq tirkelý arqyly múmkindigi shekteýli jandar arasynda sporttyń damýyna óz úlesin qosýǵa múmkindik alady.
