Astana kúnine oraı almatylyqtarǵa 20 metrlik tort usynyldy
Arbatta alańynda merekege tartý retinde 20 metrlik tort pen 500 kg palaý usynyldy. Dámnen aýyz tııýge myńdaǵan adam jınaldy.
Sondaı-aq, merekelik sharada Astana men Almaty tarıhynan syr shertetin fotokórme uıymdastyryldy. Munda 9 otandyq sýretshiniń 30-ǵa jýyq týyndysy qoıylǵan. Olardyń arasynan Astananyń 10 jyl burynǵy kórinisteri de oryn tapty.
«Fotokórmedegi sýrettege qarap Astananyń qanshalyqty ózgergenine baıqaýǵa bolady. Men saıahattaǵandy unatamyn. Ár jyly Astanaǵa baryp onyń qulpyra túsken kelbetin mindetti túrde túsirip alamyn. Sodan bolar, elordamyzdyń jyldan-jylǵa kórkeıip kele jatqanyn erekshe baıqaımyn. Bul kórmede meniń 5 jumysym bar. Olardy kezinde Almaty mýzeıine tegin ótkizgen bolatynmyn. Eriktilerdiń tańdaýy meniń týyndylaryma túskenine qýanyshtymyn», - dedi «Lıter» gazetiniń fotografy Pavel Mıheev.
Sondaı-aq qalalyqtar kontserttik baǵdarlamany tamashalady. Arbat sahnasynda jas talanttar Astanaǵa quttyqtaý-tilegin jetkizip, óz ónerlerin arnady.
