Astana kúnine oraı alańda aspazdar saıysy ótedi
ASTANA. QazAqparat - Elorda kúnin merekeleýge oraı jetekshi aspazdar qala ákimdiginiń aldyndaǵy alańda kezdesedi. «Aspazdar sheberligi - súıikti qalaǵa» festıvali shildeniń 4-i men 6-sy aralyǵynda ótedi, dep habarlaıdy qalalyq ákimdiktiń baspasóz qyzmeti.
Aspazdyq jekpe-jekke elordalyq meıramhanalardyń úzdik kásipqoı aspazshylary qatysady. Festıval qonaqtary ulttyq taǵamdar assortımentimen tanysyp, odan dám tatyp, laıyqty baǵasyn beredi. Munymen qosa, atalmysh shara aspazshylar úshin ózderiniń erekshe týyndylaryn kórsetýdiń, al qoǵamdyq tamaqtaný kásiporyndary úshin - servıs sapasy men deńgeıin arttyryp, óz atyn shyǵarýdyń birden-bir múmkindigi.
Ádettegideı, merekede elordanyń úzdik barmeni jáne úzdik daıashysy, sondaı-aq, eń dámdi fırmalyq taǵam anyqtalady.
