Astana kúnine qaraı elordalyqtardyń nazaryna Esil ózeniniń jaǵalaýynda ótkiziletin biregeı lazerlik shoýy usynylady
ASTANA. QazAqparat - 4-5 shilde kúnderi Esil ózeniniń jaǵalaýynda «Nurly Esil» mýltımedııalyq pırotehnıkalyq shoý bolady. Bul týraly búgin OKQ-de ótken baspasóz máslıhatynyń barysynda «Astana qalasynyń mádenıet basqarmasy» MM basshysy Bolat Majaǵulov habarlady.
«Astanada ótetin taǵy bir kólemdi oıyn-saýyq sharasy - asa aýqymdy «Nurly Esil» mýltımedııalyq pırotehnıkalyq shoýy. Bul biregeı vızýaldyq shara 4-5 maýsym kúnderi Esil ózeniniń akvatorııinde ótedi», - dep atap ótti B.Majaǵulov.
Onyń aıtýynsha, sýdyń ústinde ornatylǵan orkestr oınaıtyn sahnalyq platforma bul shoýdyń erekshe elementi bolmaq. Repertýar qazaq halqynyń tanymal shyǵarmalary men osy zamanǵa laıyqtalǵan klassıkalyq kompozıtsııalardan turady. «Sahnanyń jan-jaǵynda ornatylatyn túrli bıiktikterdegi sýburqaqtarǵa jańa lazerlik tehnologııalardyń qoldanylýymen túrli-tústi, kórkem bezendirilgen beınerolıkter kórsetiledi. Sharanyń sońǵy saltanatty aktisi estradalyq-sımfonııalyq orkestrdiń oryndaýyndaǵy pırotehnıkalyq shoý bolmaq», - dep baıandady elordalyq mádenıet basqarmasynyń basshysy.
Bıyl Astana kúni «El júregi - Astana» leıtmotıvimen ótkiziletinin atap óteıik. Bul rette merekeleýdiń basty taqyryptary ataýly mereıtoılyq datalar: Qazaq handyǵynyń 550 jyldyǵy, Qazaqstan halqy Assambleıasynyń 20 jyldyǵy bolady.
