Astana kúnine daıyndyq jumystar bastalyp ketti
ASTANA. 6 maýsym. QazAqparat /Gúlmıar Álıakparova/ - Astana kúnine deıin bir aı ýaqyt qaldy. Biraq bul aıtýly merekege daıyndyqtar qazirden qyzý júrip jatyr.
Astananyń merekelik is-sharalarynyń resmı saıtynda habarlanǵandaı, qala kúnine arnalǵan merekelik baǵdarlama jyldaǵydaı aýqymdy bolady. Jobalardyń jetekshileri olarǵa daıyndyq barysyn búginnen baqylaýǵa aldy. Máselen, jýyrda «Han Shatyr» saýda, oıyn-saýyq kesheniniń mańynda «Astana tóńiregindegi myńjyldyqtar» kóshpendiler órkenıeti festıvaline arnalǵan sahna men dekoratsııalardy qurý bastaldy. Onyń qurylysyna qazir elýge jýyq adam jumyldyryldy. Uıymdastyrýshylardyń jospary boıynsha 3000 sharshy metr keńistik etnoqalashyqqa aınalatyn bolady.
Alańqaı qurylysy 27 maýsym kúni tolyq aıaqtalady dep kútilýde. Sol sátten bastap onda qazirdiń ózinde óz nómirlerin qaıta-qaıta pysyqtap júrgen shyǵarmashylyq ujymdardyń qorytyndy daıyndyqtary bastalady.
