Astana kúnine daıyndyq qyza túsýde
ASTANA. QazAqparat - Astana kúnine oraı qala kóshelerine ashyq tústi gúl arkalary, gúldi sharlar jáne basqa da merekelik kompozıtsııalar ornatyldy, dep habarlady astana.gov.kz.
Sonymen qatar, ákimshilik jáne turǵyn úı ǵımarattarynyń syrty da bezendirildi. Aýdandarda jaryq dınamıkalyq pannolar men túrli-tústi jaryqtandyrý ornatylyp, shaǵyn arhıtektýralyq pishinder saıabaqtar men shaǵyn baqtardyń kórkin keltirmek.
«Esil» aýdanynda «Araı» saıabaǵyn, Ǵashyqtar saıabaǵyn, «Astanalyq tsırk» shaǵyn baǵyn, «Astana Opera» memlekettik opera jáne balet teatry aldyndaǵy baqtardy bezendirý jumystary aıaqtaldy. «Han Shatyr» SOO qarama-qarsy jerasty jolynda jaryqtar qoıylyp, «Astana Opera» teatrynyń aldyndaǵy kópir men Orynbor kóshesiniń boıy jáne «QazMunaıGaz» jaıaý júrginshiler kópiri ásemdeldi. «I Love Astana» kompozıtsııalary Esil ózeniniń jaǵalaýynda, Astanalyq saıabaqta jáne Astana halyqaralyq áýejaıy aýmaǵynda ornatyldy.
«Jan júregim Astana» shaǵyn arhıtektýralyq formalary «Astana Opera» teatrynyń aldynda, Turan dańǵyly men Syǵanaq kóshesiniń qıylysynda jáne «Kerýen» saýda, oıyn-saýyq ortalyǵynyń qasynda ornatyryldy. «ıA lıýblıý Astaný» kompozıtsııalary Syǵanaq kóshesi men Beısekova kóshesiniń qıylysyna qoıyldy.
Sondaı-aq, Astana kúnine daıyndyq sheńberinde aýdandarda sanıtarlyq tazartý,búlingen abattandyrý elementterin qalpyna keltirý, saıabaqtar men kóshelerdegi jáne sándik jaryqtandyrýlardy tekserý jumystary qolǵa alyndy.
«Almaty» aýdanynda 20-dan astam jaryq-dınamıkalyq panno ornatylyp, Sh. Qudaıberdiuly dańǵyly, Abylaı han dańǵyly, Táýelsizdik dańǵylyndaǵy kópirler men Qaraótkel kópiri, Baraev kóshesindegi kópir bezendirildi. 375 panelkronshteın qoıyldy.
«Saryarqa» aýdanynda Redısson qonaq úıinen Samal shaǵyn aýdanyna deıin Esil jaǵalaýyna bannerler ilindi. Kongress-holldyń aldyna «Odývanchık» merekelik kompozıtsııasy, «Jastar» saraıynyń aldynda «Besedka» ınstallıatsııasy ornatyldy. Temirjol vokzalynyń aldynda, Esenberlın men Beıbitshilik kósheleri qıylysynda jáne dóńgelek alańda «ıA lıýblıý Astaný» shaǵyn arhıtektýralyq pishinderi bar.
Eske sala keteıik, bıyl Astana kúnine oraı 70-ten astam merekelik shara, sonyń ishinde basym bóligi ashyq alańdarda ótkiziledi.
