Astana kúnine arnap pisirilgen 700 keliden astam besbarmaq Gınnestiń rekordtar kitabyna endi (FOTO)
ASTANA. QazAqparat - Búgin Astana qalasyndaǵy Ǵashyqtar saıabaǵynda salmaǵy 746 keli bolatyn álemdegi eń úlken besbarmaq Astana kúnin toılaýǵa kelgen halyqqa taratylyp, artynsha uıymdastyrýshylarǵa Gınnestiń rekordtar kitabynyń sertıfıkaty tabys etildi.
Aıta keteıik, sharany Qazaqstan halqy Assambleıasy men Qazaq geografııa qoǵamy «Taıqazan» aktsııasy aıasynda uıymdastyrdy.
«Bul taǵamdy daıyndaýǵa shamamen 500 keliden astam et, 300 kelige jýyq pııaz, 300 keli un satyp alynǵan bolatyn. Degenmen Gınnes rekordtar kitabynyń talaby oryndalǵandyqtan, olardyń barlyǵy qazanǵa salynǵan joq. Nátıjesinde daıyn bolǵan ettiń salmaǵy 750 kelige jýyq boldy. Búgin Túrkııadan arnaıy kelgen Gınnes rekordtar kitabynyń ókili osy taǵamdy ólshep, rekordtar kitabyna engizdi», - dep atap ótti uıymdastyrýshylar.
Uıymdastyrýshylardyń aıtýynsha, etti pisirýge elordanyń iri meıramhanalarynan shaqyrylǵan 20 shaqty bas azpaz, 20 shaqty daıashy men eriktiler qatysty.
