Astana kúnine arnalǵan «Salem Astana» sharasyna 500-den astam bala qatysty

Olar sharaǵa arnaıy qurylǵan sahnada án salyp, bı bılep, qala halqy men qonaqtaryna óz ónerlerin kórsetti.

Sonymen qatar qazaq halyq aspaptary orkestri Astananyń 17 jyldyǵyna arnap 17 kúı oryndady. Sondaı-aq jas ónerpazdar qazaqtyń kóne aspaptary qylqobyz, jerigen aspaptarymen túrli kompozıtsııalar oryndap, folklorlyq jáne bı ujymdary kórermenderge qaıtalanbas áser syılady.

Ákimdik aldyndaǵy alańda jas sýretshilerdiń qolynan shyqqan sýretter kórmege qoıylyp, ónersúıer qaýymǵa tanystyryldy.

«Elorda kúni - eń ádemi merekelerdiń biri. Búgin bul kórmege bizdiń mekteptiń 30 shaqty oqýshysy qatysýda. Olar óz jumystaryn Astananyń ásem kelbetine arnaıdy. Osy kórmeden keıin bul sýretter mektepke qoıylady», - dep atap ótti balalarǵa arnalǵan sýret mektebiniń dırektory Gúlzııa Isenova.

Aıta keteıik, sharany Astana ákimdigi, qalalyq bilim basqarmasy jáne №1 balalar mýzyka mektebi uıymdastyryp otyr.