Astana kúnine arnalǵan merekelik sharalardyń kestesi: ekinshi kún

2 shilde kúngi merekelik sharalar otaý qurýdy josparlaǵan juptardyń saltanatty neke qııý rásimimen bastalady. Jas jubaılar ádette baqyt ákeledi degen yrymmen toılaryn eleýli datalarǵa sáıkestendirip ótkizýge tyrysady. Sondaı kúnderdiń biri - Astana kúni. Qos merekege arnalǵan saltanatty túrde neke qııý rásimi - kórkem de qyzyqty joba. Statıstıkalyq derekterge súıensek, Astana kúni qarsańynda nekelesýdi nıet etken juptardyń sany Astanada ǵana emes, búkil Qazaqstan boıynsha jyldan-jylǵa artyp keledi eken.

Bıyl qala kúnine oraı saltanatty jaǵdaıda 40 juptyń nekesi qıylady. Rásim saǵat 12.00-de «Atameken» etno-memorıaldy kesheni, «Dýman» oıyn-saýyq ortalyǵy jáne «Otan qorǵaýshylar» monýmenti aldyndaǵy alańda ótedi.Jas jubaılarǵa merekelik beınelemesi bar neke qııý týraly kýálik saltanatty túrde tabystalǵannan keıin shashý shashylyp, tort kesý rásimi bolady. Odan keıin kókke aq kógershinder ushyrylady. Uıymdastyrýshylardyń aıtýynsha, juptarǵa ázirlengen birqatar tosynsyılar men syılyqtar bar.

Astanalyq tsırkte «Azııa jańǵyryǵy» atty tsırk óneriniń halyqaralyq festıvali jalǵasady. Ádettegideı, 16.00-de bastalatyn qoıylym barysynda Qazaqstan, Reseı, Qytaı, Ózbekstan jáne Qyrǵyzstan elderiniń tsırk óneriniń maıtalmandary, álemdik festıvalderdiń júldegerleri men laýreattary, tsırkti ómirine serik etken áýletterdiń urpaqtary óner kórsetetin bolady. «Azııa jańǵyryǵy» - túrli akrobattyq trıýktar men baǵdarlamalar kórsetetin álemniń talantty ártisterin jınaıtyn biregeı shoý. Mundaı tsırk óneri festıvaliniń balamasy búginderi tek Máskeýde ǵana bar.

Al 17.00-de K.Baıseıitova atyndaǵy Ulttyq opera jáne balet teatrynda «Tereń tamyrlar» allegorııalyq dramasy sahnalanady. Onda Q.Qýanyshbaev atyndaǵy qazaq mýzykalyq-drama teatrynyń ártisteri el táýelsizdiginiń ornaýy, qalyptasýy men damýyndaǵy Elbasy Nursultan Nazarbaevtyń mańyzdy rólin kórermenderge shyǵarmashylyq sheberlik arqyly jetkizýge tyrysatyn bolady. Spektakldiń oqıǵasy Astana qalasy mańyndaǵy orman ishinde ótedi. Ár taldyń «beınesi» memleketimizdiń damýy, qalyptasýy kezindegi, túrli ýaqyttaǵy adamdardyń obrazymen sáıkestendiriledi. Qoıylym ózegi - ǵasyrlar boıy beıbitshilikke umtylǵan ultymyzdyń arman-muraty toǵysqan táýelsizdik nyshany - Astana.

18.00-de «Operalııa - 2011» VI halyqaralyq mýzykalyq festıvaliniń aıasynda «Qazaqstan» Ortalyq kontsert zalyndaálemdik balet juldyzdarynyń gala-kontserti ótedi. Kontsertke balet óneriniń qazaqstandyq tarlandary, Eýropanyń belgili solısteri Nadejda Saıdakova, ıAna Salenko, Dına Tamajlakarý (Germanııa), Vladımır Malahov (Avstrııa), ıÝrgıta Dronına (Latvııa), Ioel Karreno (Kýba), Tomas Lýnd (Danııa) qatysady dep kútilýde.

Eske salaıyq, «Operalııa - 2011» VI halyqaralyq mýzykalyq festıvali 29 maýsym kúni bastaldy. K.Baıseıitova atyndaǵy UOBT-da eki kún qatarynan ıtalıandyq kompozıtor Djakomo Pýchchınıdiń «Manon Lesko» operasynyń tusaýkeser qoıylymdar júrdi. Qoıylym rejısseri - Reseıdiń halyq ártisi, QR eńbek sińirgen qaıratkeri, Qazaqstan Respýblıkasynyń Memlekettik syılyǵynyń laýreaty ıÝrıı Aleksandrov. Qoıylym dırıjeri - QR eńbek sińirgen qaıratkeri Abzal Muhıtdınov.

Joǵarǵy klassıka óneriniń «Operalııa» festıvali QR Mádenıet mınıstrliginiń uıytqy bolýymen Astana kúni merekesine oraı 2005 jyldan beri jyl saıyn ótkizilip keledi. Festıvaldiń arqasynda Astana turǵyndary men qala qonaqtary La Skala, Metropolıten Opera, Vena operasy, Reseıdiń úlken teatry, Kovent Garden koroldik teatry, Parıjdik Grand Opera, Marıın teatry syndy álemniń úzdik teatrlaryndaǵy balettiń kórnekti solısteriniń jáne tanymal opera ánshileriniń ónerimen tanysýǵa múmkindik alyp keledi.

Al estrada ánderin súıýshi qaýym bul kúni QR Halyq ártisi, ánshi Roza Rymbaevanyń kontsertin tamashalaı alady. Tyńdarmandaryn Kongress-Holl saraıynda saǵat 18.00-de tosatyn ánshi, QR eńbek sińirgen dırıjer Aleksandr Ablaevtyń dırıjerlik etýindegi estradalyq sımfonııa orkestriniń súıemeldeýimen óz repertýaryndaǵy halyq súıip tyńdaıtyn ánderdi jáne Erkin Yntyqbaevpen qosylyp, «Temnaıa noch», «Zemlıanka», «Staryı klen», «Kýá bol», «Bir bala», «Kerim-aı» syndy halyq ánderin shyrqaıtyn bolady.