Astana kúnine arnalǵan merekelik sharalar otshashýmen qorytyndylandy - FOTO/VIDEO
ASTANA. QazAqparat - Astana kúnine arnalǵan merekelik sharalar dástúrge saı 6 shilde kúni qas qaraıǵan shaqta otshashýmen qorytyndylanady. Bıyl da bul úrdis jalǵasyn tapty.
Birer sát buryn Esil ózeniniń jaǵasynda merekelik otshashý boldy. Mundaǵy otshashý kólemi jaǵynan eń úlkeni dep esepteledi. Sebebi, ol 10 mınýtqa sozyldy, ári 15 myń ret dúrkirep atylady. Otshashýdy elordanyń barlyq bóliginen tamashalaý múmkin boldy. Sebebi, qala boıynsha 5 jerde, naqtyraq aıtqanda, Esil ózeniniń jaǵalaýy men Aqbulaq shaǵynaýdanynda, «Han Shatyr» saýda-sattyq jáne oıyn-saýyq ortalyǵynyń janyndaǵy alańda jáne Abylaıhan dańǵyly men Pýshkın kóshesi qıylysyndaǵy saıabaqta, temirjol vokzalynyń mańyndaǵy «Jas batyr» stadıonynda ótti.
