Astana kúnindegi kontserttik baǵdarlamalardyń bılet quny 750 men 100 myń teńge aralyǵynda
ASTANA. Maýsymnyń 11-i. QazAqparat - Qala kúni merekesinde óner kórsetetin barlyq óner juldyzdarynyń bılet quny halyq úshin qoljetimdi,
dep habarlady Astana ákimdiginen.
Álemge tanymal óner juldyzdarynyń kontserttik baǵdarlamasyn shildeniń 4-inde maıtalman pıanıst Denıs Matsýev jeke kontsertimen «Qazaqstan» ortalyq kontsert zalynda bastaıdy. Qazirgi ýaqytta onyń kontsertteriniń kestesi birneshe jylǵa aldyn ala daıyndalady. Ol jylyna 100-den astam kontsert beretin álemdegi birden bir óner juldyzy. Kontserttiń bılet baǵasy - 900-ben 4000 teńge aralyǵynda.
Shildeniń 5-inde dál osy zalda opera juldyzy Dmıtrıı Hvorostovskııdiń kompozıtor Igor Krýtoımen birge «Dejavıý» kontserttik baǵdarlamasy ótedi. Bıletter baǵasy 5 myń men 100 myń teńge aralyǵynda.
Al shildeniń 6-yna josparlanǵan ánshi, Reseıdiń eńbek sińirigen ártisi Aleksandr Serovtiń jeke kontsertine kirý - 2 myń men 6 myń teńge aralyǵynda bolmaq.
Tanymal amerıkandyq djaz oryndaýshylar Nıkol Genrı men Kımberlı Devıstiń kontserti 750 men 3500 teńge aralyǵynda baǵalanyp otyr.
Qaltańyzda 1500-den 10000 teńge aralyǵynda aqshańyz bolsa, onda shildeniń 3-4-i kúnderi Beıbitshilik pen kelisim saraıynda basty rólde reseılik tanymal akter Sergeı Bezrýkov oınaıtyn «Basbuzar» mýzykalyq-poetıkalyq spektakldi tamashalaı alasyz.
Sonymen qatar shildeniń 6-ynda «Astana-Arena» stadıonynda qazaqstandyq, reseılik, sheteldik óner juldyzdarynyń qatysýymen gala-kontsert ótedi. Amerıkandyq ánshi Ne'Yo men Morandi, sondaı-aq «312», «A-Stýdıo» toptary, Sergeı Lazarev syndy estrada juldyzdary qatysatyn «Asqaqtaı ber, Astana!» dýmandy keshine kirý 1,5 myń teńge.
