Astana kúnindegi kontsertterdiń eń qymbat bılet baǵasy belgili boldy
ASTANA. QazAqparat - Astana kúnin merekeleý kúnderi ótetin kontsertterdiń eń qymbat bıleti 25 myń teńgege deıin barady. Bul týraly búgin Ortalyq kommýnıkatsııalar qyzmetinde ótken brıfıngte Astana qalalyq mádenıet basqarmasynyń basshysy Bolat Majaǵulov málimdedi.
Onyń aıtýynsha, aqyly sharalarǵa arnalǵan bıletterdiń quny 1 myńnan 25 myńǵa deıingi aralyqta bolady. Olardy qalanyń kontserttik ǵımarattarynyń kassalarynan, saýda úılerindegi arnaıy oryndardan satyp alýǵa bolady. Sondaı-aq, bıyl shaqyrý bıletteri bolmaıdy, óıtkeni osy jylǵy merekelik sharalardyń aqyly túrleri ózin-ózi aqtaýǵa ekpin berilip otyr.
Sonymen qatar, B. Majaǵulovtyń aıtýynsha, mereke kúnderi ótetin 70-ke jýyq sharalardyń kóbi tegin bolady.
«Biz byltyrǵy merekelik sharalardyń qortyndysy boıynsha áleýmettik saýalnama jasap, bıyl negizgi basymdyqty kóshede ótetin sharalarǵa berýdi jón dep taptyq. Sondyqtan bıyl qala saıabaqtarynyń barlyǵynda mereke kúnderi is-sharalar uıymdastyrylady. Olarǵa kez kelgen adam kele alady», - dedi ol.
