Astana kúninde óner kórsetetin juldyzdardyń esimderi belgili boldy
ASTANA. QazAqparat - 6 shilde kúni saǵat 19.00-de Qala kúni merekesi aıasynda elordadaǵy «Saryarqa» respýblıkalyq velotreginde «Asqaqtaı ber, Astana!» otandyq jáne sheteldik estrada juldyzdarynyń biregeı kontserti ótedi.
Bul týraly Astana qalasynyń 16 jyldyǵyna arnalǵan merekelik sharalardy daıyndaý jáne ótkizý jónindegi uıymdastyrý komıtetiniń medıa-shtabynan habarlady.
Aıta keteıik, Astana kúni merekesi aıasynda otandyq jáne sheteldik estrada juldyzdarynyń gala-kontserti osymen besinshi márte ótkizilmek. Atalmysh kontsertter Astana qalasynyń turǵyndary men qonaqtary úshin tamasha tartý bolǵany sózsiz. Sebebi olar osy sharadan erekshe shoý men súıikti oryndaýshylarynyń óner kórsetýin asyǵa kútedi. Bıyl «Saryarqa» respýblıkalyq velotregi ǵımaratynda ótetin kontsertke hıt-sherýlerdiń kóshin bastaǵan otandyq jáne sheteldik estrada juldyzdary qatysady. Atap aıtsaq, onda «The Jigits», «Pıtstsa» toptary, Ǵalymjan Moldanazarov, Qaırat Nurtas, Polına Gagarına, «Blue» toby óner kórsetpek.
