Astana kúninde «Qazaqtyń dástúrli myń áni» antologııasyna engen qazaq ánderi molynan shyrqalady
ANA. 30 maýsym. QazAqparat /Gúlmıra Álıakparova/ - Astana kúninde «Qazaqtyń dástúrli myń áni» antologııasyna engen qazaq ánderi molynan shyrqalady. Bul týraly búgin ótken baspasóz máslıhatynda belgili boldy.
1 shilde kúni Kongress-Holl saraıynda ótetin «Іnjý-marjan» halyq áýenderiniń kontsertinde Qaırat Baıbosynov, Sáýle Janpeıisova, Nurjan Janpeıisov, Ramazan Stamǵazıev syndy belgili ánshi-termeshiler Prezıdent Nursultan Nazarbaevtyń «Mádenı mura» baǵdarlamasy aıasynda dúnıege kelgen «Qazaqtyń dástúrli myń áni» antologııasyna engen qazaq ánderin molynan shyrqamaq. Antologııaǵa Batys Qazaqstan ánshilik dástúriniń negizin qalaǵan án asqary Muhıttyń, Arqa, Jetisý, Syr óńiri, Mańǵystaý dástúrli ánshilik-oryndaýshylyq mektepterine negiz salǵan Aqan seri men Birjan saldyń biregeı týyndylary engen.
Kesh barysynda sondaı-aq ánderdiń týý tarıhyna, halyq kompozıtorlary, oryndaýshylar ómirine baılanysty derekter, beınematerıaldar keltirilip, qazaq ániniń qudireti jaıyndaǵy ózge elderdiń belgili adamdarynyń, qazaq mádenıetindegi uly tulǵalardyń pikirleri berilip otyrady.
