Astana kúninde 2 myńǵa jýyq polıtsııa qyzmetkeri koǵamdyq tártipti qadaǵalaıdy
ASTANA. 28 maýsym. QazAqparat - Astana kúnin merekeleý kezeńinde qoǵamdyq tártipti jáne turǵyndar men meımandardyń qaýipsizdigin saqtaý úshin elordalyq ІІD tıisti sharalardy qabyldap otyr.
Bul týraly atalmysh vedomstvonyń baspasóz qyzmetinen habarlady.
Qala kóshelerinde saqshylyq etý baǵytynda patrýldik jasaqtar kezekshiliginiń sany arttyryldy. Bekitilgen ákimshilik ýchaskelerdegi ýchaskelik ınspektorlardyń jumysy kúsheıtilmek. Týyndaýy yqtımal qoǵamqa qarsy jaıttardyń aldyn alý sharalary iske asyryldy.
Qyzmet kúsheıtilgen tártipte júrgiziledi. Jalpy 2 myńǵa jýyq qyzmetker, 200-den astam qyzmettik kólik, 2 myń týrnıket, tikushaq jáne arnaıy tehnıka qoǵamdyq tártipti kúzetýge tartylmaq.
Meıram kúnderi sharalar ótkiziletin oryndarda polıtsııanyń kúsheıtilgen jasaqtary kezekshilik etedi. Sharalardy uıymdastyrýǵa arnalǵan sahnalyq jáne dybystyq qural-jabdyqtar táýliktik baqylaýǵa alynǵan.
Kezekshilik baǵdary merekelik sharalar ótkiziletin jerlerge barynsha jaqyndatyldy. Al krımınaldyq polıtsııa qyzmetkerleri jeke jospar boıynsha shuǵyl sharalardy qolǵa aldy, jol saqshylary qozǵalysty qadaǵalaý jumystaryn kúsheıtip otyr.
