Astana kúnin merekeleý Qazaqstan Prezıdentiniń qatysýymen Tý kóterý rásiminen bastalady
ASTANA. 19 maýsym. QazAqparat - Astana kúnin merekeleý Qazaqstan Prezıdentiniń qatysýymen Tý kóterý rásiminen bastalady. Bul týraly búgin Ortalyq kommýnıkatsııalar qyzmetinde ótken brıfıngte elordanyń 15 jyldyq mereıtoıyn daıyndaý jáne ótkizý medıa tobynyń jetekshisi Janar Kolbachaeva málimdedi.
«Árıne, barlyq merekeleik sharalar Memlekettik Týdyń kóterilýimen bastalady. Ol rásim 4 shildede Qazaqstan Prezıdenti Nursultan Nazarbaevtyń qatysýymen ótedi», - dep atap ótti J.Kolchabaeva.
Onyń aıtýynsha, bıyl sharalardyń tizimine ózgerister engizilgen. Árkim óz talǵamyna saı keletin merekelik sharany tańdaı alady. Kontsertterdiń basym bóligi qazaqstandyq mádenıetti dáriptep, qalanyń etnıkalyq erekshelikteri men ulttyq boıaýyn kórsetýge arnalady.
