Astana kúni merekesine oraı qazaqstandyqtar qatarynan úsh kún demalady

«Astana turǵyndary men qonaqtarynyń jáne barsha qazaqstandyqtardyń nazaryna! 2-3 shilde demalys kúnderi 4- 5 shildege aýystyrylǵandyqtan Astana kúnin merekeleý 4-5-shi shildege sáıkes keledi. Sol sebepti qazaqstandyqtar úsh kún qatarynan shildeniń 4-i, 5-i jáne 6-sy kúnderi demalatyn bolady», - delingen Astanadaǵy merekelik is-sharalardyń resmı saıtynda ornalastyrylǵan habarlamada.

Eldiń kindiginde, kúre joldardyń qıylysynda ornalasqan Qazaqstannyń bas qalasy - Astanaǵa bıyl 14 jyl tolady. 1998 jyly 6 mamyrda Aqmola qalasynyń ataýy Astana bolyp ózgertildi. 1998 jyly 10 maýsymda jańa elordanyń halyqaralyq tusaýkeser rásimi ótti. 2006 jylǵa deıin Astana kúni 10 maýsym kúni atalyp keldi. Keıin qalalyq máslıhattyń sheshimimen data 6 maýsymǵa aýystyryldy. Al 2008 jyly memlekettik merekeler tizimine engizildi.