Astana kúni merekesine oraı, elordaǵa qatynaıtyn áýe jáne temirjol jolaýshylar kólikteriniń sany arttyryldy
ASTANA. Shildeniń 3-i. QazAqparat /Gúlmıra Álıakparova/ - Astana kúni merekesine oraı, elordaǵa qatynaıtyn áýe jáne temirjol jolaýshylar kólikteriniń sany arttyryldy. Bul týraly Kólik jáne kommýnıkatsııa mınıstrliginen málim etti.
Elorda kúniniń mańyzy artqan saıyn, mereke kúnderi qalaǵa aǵylatyn qonaqtardyń legi de jyldan-jylǵa artyp keledi. Osyǵan oraı, kólik tasymalymen aınalysatyn kásiporyndar ońtaıly sheshim qabyldap, qosymsha kólik quraldaryn shyǵarýdy uıǵardy.
Máselen, shildeniń 3-i kúni «Eır Astana» avıakompanııasy «Almaty - Astana - Almaty» baǵytynda qatynaıtyn «Eırbas» ushaqtaryn «Boıngke» almastyryp, qosymsha reıster ashty. Nátıjesinde atalmysh baǵyttaǵy oryndar sany 650 birlikke kóbeıdi.
Sonymen birge, temirjol kóligi ákimshiliginiń sheshimine sáıkes, Astana kúni atap ótiletin shildeniń 1-6 kúnderi, jolaýshy poıyzdary qatynaıtyn 23 baǵyt boıynsha 60 qosymsha vagon qosyldy. Olardyń deni Astanaǵa qatynaıtyn jáne ol arqyly ótetin poıyzdarǵa tirkelýde.
Áýe jáne temirjol kóligindegi ózgertýler men tolyqtyrýlar jaıly aqparatty áýejaı men temirjol vokzaldarynyń anyqtama qyzmetterinen alýǵa bolady.
