Astana kúni merekesinde qoǵamdyq tártip buzýshylyqtar bolǵan joq
ASTANA. 7 shilde. QazAqparat /Qanat Mámetqazyuly/ - 4-6 shilde aralyǵynda Astana kúni merekesine oraı ótkizilgen is-sharalar barysynda qoǵamdyq tártip buzýshylyqtar oryn alǵan joq.
Bul týraly Astana qalalyq ІІD baspasóz qyzmetinen habarlandy.
Toqtala ketetin jaıt, 4-6 shilde aralyǵynda 67 qoǵamdyq-saıası, mádenı-oıyn saýyq, sporttyq-buqaralyq is-sharalar ótkizilgen. Onyń 8-ine Memleket basshysy Nursultan Nazarbaev qatysty.
Osyǵan oraı, Astana qalalyq Іshki ister departamentiniń qyzmeti 4-6 shilde aralyǵynda kúsheıtilgen tártipke aýystyryldy. Turǵyndar men qala qonaqtarynyń qaýipsizdigin jáne qoǵamdyq tártipti qamtamasyz etý úshin Astana qalalyq ІІD barlyq jeke quramy jumyldyrylǵan. Buǵan qosa, qoǵamdyq tártiptiń kúzetine Temirtaý, Qaraǵandy, Pavlodar men Petropavl qalalarynan ishki ásker bóliminiń áskerı qyzmetkerleri tartylǵan.Budan bólek, is-sharalardy ótkizý men oǵan ázirlik barysynda ІІD qyzmetkerlerimen 12 nysandy táýlik boıǵy kúzetý qamtamasyz etilgen.
