Astana kúni merekesinde alǵash ret úsh jerde otshashý uıymdastyrylady
ASTANA. QazAqparat - 6 shildede saǵat 22.30 Astana kúnine oraı merekelik otshashý uıymdastyrylady. Salıýtti alǵash ret qalanyń úsh túrli jerinen atý josparlanyp otyr, dep jazady qala ákimdiginiń resmı saıty.
Otshashýdyń birinshi núktesi Esil ózeninde, Astanalyq parkke qarsy, ekinshisi Han Shatyrǵa qarsy jáne úshinshisi «Qazaqstan» SK-ne qarsy ornalaspaq.
Bıyl pırotehnıkalyq shoý báriniń de kóńilinen shyǵady. Onyń bir ereksheligi - sýdaǵy arnaıy effektiler. Esil ózenimen «otty kemeler» júzedi, gúldi geızerler atqylady, sý ústinde Astananyń sımvoly - «Báıterek» beınesi jasalady.
«Qazaqstan Salıýt» kompanııasynyń prezıdenti Vadım Gostevtiń aıtýynsha, merekelik salıýt atýdy uıymdastyrýǵa 20-ǵa jýyq kásibı pırotehnık tartyldy. Jalpy, 5 myń pırotehnıkalyq snarıad qoldanylmaq. Salıýttyń uzaqtyǵy - 5-20 mınýt.
