Astana kúni merekesinde 100 adam medıtsınalyq aıyqtyrǵyshqa jetkizildi
ASTANA. 9 shilde. QazAqparat - Astana kúni merekesin atap ótý kezinde 100 adam medıtsınalyq aıyqtyrǵyshqa jetkizilgen. Bul týraly qalalyq Іshki ister departamentiniń baspasóz qyzmetinen habarlandy. «Úsh kún merekede polıtsııa qyzmetkerleri 250-ge jýyq (sonyń ishinde, beınebaqylaý kameralarynyń kómegimen) ákimshilik quqyq-buzýshylyq (usaq buzaqylyq, spırttik ishimdikter ishý jáne mas kúıinde júrý, qalanyń abattandyrylǵan oryndaryna qatysty erejeler buzý) tirkedi. Úsh kúnniń ishinde medıtsınalyq aıyqtyrǵyshqa 100 adam jetkizildi», - delingen baspasóz qyzmeti taratqan aqparatta.
Sonymen qatar, 6-8 shilde aralyǵynda elordalyq ishki ister departamentiniń jedel basqarý ortalyǵynyń «102» polıtsııany shuǵyl shaqyrý arnasyna azamattardan túrli sıpattaǵy 5737 qońyraý kelip túsken. 365 qylmys pen oqıǵa tirkelip, sonyń ishinde 134-niń izi sýymaı ashyldy.
