ASTANA KÚNІ: Mereke kúnderi qaıda barýǵa bolady?

El júregi - Astana! Qazaqstan Respýblıkasy Táýelsizdiginiń 25 jyldyǵy atalyp ótetin jyly Elorda kúni erekshe mánge ıe. Qala ákimdigi elordanyń ár turǵyny men qonaǵyna qyzyqty bolatyn ár alýan mádenı-sporttyq sharalar baǵdarlamasyn ázirledi. Merekelik sharalar geografııasy qalany tutastaı, sonyń ishinde qala mańyn, gúlbaqtar men parkterdi, sondaı-aq, qalalyq alańdardy qamtıdy.

Mereke kúnderi Astanaǵa arnaıy keletin qonaqtar sany jyl saıyn ulǵaıyp keledi.
Merekelik baǵdarlamanyń shymyldyǵy maýsymnyń 20-nan 26-na deıin ótetin «Sahnadan sálem» teatr festıvalimen ashyldy. Óner súıer qaýym elimizdiń óńirlerinen, sondaı-aq, Reseı men Ýkraınadan kelgen sahna maıtalmandarynyń úzdik qoıylymdaryn tamashalady.
Estafetany AstanaArtFest 2016 qazirgi zamanǵy óner festıvali jalǵastyrdy. Shara aıasynda Sýly-jasyl jelekte bı men mýzyka festıvalderi, kitap pen poezııa merekeleri, sýretshiler sımpozıýmy jáne t.b. qyzyqty sharalar uıymdastyryldy.
Bıyl Astana turǵyndary men qonaqtary túrli memleketterdiń ártisteriniń qatysýymen ótetin «Azııa jańǵyryǵy» tsırk óneri festıvalin, mýzyka ındýstrııasynyń úzdikteriniń qatysýymen ótetin «Astana Arqaý» túrki mýzykasynyńfestıvalin kóre alady. 
Elorda kúni aıasynda otandyq sán ındýstrııasynyń kórsetilimi men alǵash ret sán men stıl salasyndaǵy ELLE jýrnalynyń syılyǵymen marapattaý saltanaty uıymdastyrylady. Qazaqstandyqtardyń nazaryna «Arqaıym - Kúnniń qalasy» tehnologııalyq 3D-shoýy usynylady. «Astana Ázil Fest» jáne «Kóńildi Astana» jobalary aıasynda ázil-syqaq keshteri kórermenderge kóterińki kóńil kúı syılaıdy.
Aıta keteıik, bıyl qazaqtyń baı murasy men mádenıetin nasıhattaıtyn is-sharalarǵa basa nazar aýdarylmaq. «Myńjyldyqtar toǵysyndaǵy Astana» festıvali aıasynda úlken etnoaýyl oryn tebedi, budan basqa, alǵash ret «Qymyzmuryndyq» etnografııalyq qymyz festıvali, halyq aspaptary orkestrleriniń «Serper» mýzykalyq festıvali ótedi. Jazdyń jarqyn oqıǵalarynyń biri «Baǵanaly ordam - basty ordam» respýblıkalyq aqyndar aıtysy bolmaq. Qazaqstandyq kompozıtor Seıdolla Báıterekovti eske alýǵa arnalǵan kesh pen «MýzArt» tobynyń shyǵarmashylyǵynyń mereıtoıyna arnalǵan kontsert anshlagpen ótedi dep kútilýde.
Salaýatty ómir saltyn ustanatyndarǵa arnalǵan sporttyq baǵdarlama Elorda kúnine arnalǵan sharalardyń ajyramas bóligi bolyp tabylady. Kórermender men sportshylar halyqaralyq jaýyngerlik óner festıvalin, dýatlonnan qalalyq týrnır, ulttyq sport túrleri - asyq atý men qazaq kúresinen - «Qazaqstan barysy» týrnırin tamashalaýǵa múmkindik aldy.
Bıyl Elorda kúnin merekeleýge Qazaqstanda akkredıttelgen basqa elderdiń elshilikteri de óte belsendi qatysýda. Mysaly, AQSh elshiligi Astanaǵa «Broadway Bound» mıýzıklin ákelý bastamasyn kóterdi, ol Beıbitshilik jáne kelisim saraıynda jáne Báıterektiń janyndaǵy ashyq alańda kópshilik nazaryna usynylady. Al Italııa elshiligi «Astana Samaly» úrmeli aspaptar orkestrleriniń festıvaline qatysatyn tý kóterip júretinderdi ákeldi.
Kontsert bıletteri «Qazaqstan» OKZ, «Mega Astana» SOO, «Saryarqa» SOO, «Kerýen» SOO, «Kongress-holl», «Jastar» saraıy, Beıbitshilik jáne kelisim saraıy, QazMedıa ortalyǵy, Mınıstrlikter úıi 11-shi kireberiste ornalasqan qalalyq kassalarda, sondaı-aq, www.koncertyastany.kz saıtynda onlaın rejımde satylady. Kontsertterdiń jazbalary jetekshi respýblıkalyq telearnalardan kórsetiledi. 

Endi bıylǵy Astana kúni aıasynda ótetin sharalarǵa naqtyraq toqtalyp óteıik.

***

Barsha álemniń úzdik bıshileri elordada bas qosady
5 jáne 6 shildede elorda ákimdiginiń aldyndaǵy Ortalyq alańda naǵyz bı saıysy uıymdastyrylady. Jeti jyl qatarynan Astananyń týǵan kúnine oraı «International Street Dance Session in Astana 2016» kóshe bılerinen halyqaralyq festıvalge qatysý úshin eń úzdik bıshiler elordada bas qosady.
Sharany uıymdastyrýshylar - Astana qalasynyń ákimdigi jáne «United 4» prodıýserlik ortalyǵy - konkýrsqa qatysýshylarǵa bas júlde - 1 mıllıon teńge báıge baılady, bul rette jarystyń júlde qory 2,5 mıllıon teńgeden asady.
Qatysýshylar túrli stıl men janrda óner kórsetedi - hıp-hop, poppıng, denshol, vakıng, kramp jáne haýs. Esesine, onyń árqaısysy boıynsha jańa bastaǵan bıshiler men kásipqoılar úshin jeke nomınatsııalar qarastyrylǵan, bul festıvalge ár túrli jastaǵy jáne daıyndyq deńgeıi ártúrli bıshilerdiń qatysýyna múmkindik beredi.
Konkýrsqa qatysýshylardyń komandalyq jáne jeke jarystarynda barsha álemge tanymal horeograftar tórelik etpek, sonyń ishinde - frantsýz hıp-hop- jáne haýs-bıshisi Yugson, amerıkandyq horeograf Adé Willis, tórtkúl dúnıege tanymal koreı poppıng-oryndaýshy Dokyun, vakıng stılindegi eń tanymal bıshilerdiń biri - Taıvannan kelgen Chrissy Chou, kóptegen denshol jarystarynyń jeńimpazy - NORA, sondaı-aq, Qazaqstan men TMD memleketteriniń eń úzdik kramperleriniń biri - LIL STAGEKILLA.
2010 jyldan bastap «International Street Dance Session» halyqaralyq festıvali talantty, jigerli jastardyń basyn qosyp, túrli stıldegi bıshilerdi jınaıdy, elordany kóshe bıleri álemindegi jańa baǵyttarmen tanystyrady jáne belsendi ómir súrý saltyna shaqyrady. Osy jyldary «Shag vpered» tanymal fılmine túsken, «Tantsy» jáne «Zvezda tantspola» teledýmanyna qatysqan, sondaı-aq Maıkl Djekson, Beıonse, Asher, Djastın Tımberleık, Djastın Bıber sııaqty juldyzdarmen birge jumys istegen bıshi-horeograftar shara qonaqtary boldy.

***

Aspazdyq óner - Qalalyq alańda

Elorda kúnin merekeleýge oraı jetekshi aspazdar qala ákimdiginiń aldyndaǵy alańda kezdesedi. Eń «tátti» «Aspazdar sheberligi - súıikti qalaǵa» festıvali shildeniń 4-i men 6-sy aralyǵynda ótedi.
Aspazdyq jekpe-jekke elordalyq meıramhanalardyń úzdik kásipqoı aspazshylary qatysady. Elordalyq meıramhanalardyń kásipqoı aspazshylary ózderiniń úzdik týyndylaryn kópshiliktiń nazaryna usynatyn bolady. Festıval kelýshilerge ulttyq taǵamdardyń túr-túrimen tanysýǵa jáne odan dám tatýǵa keremet múmkindik beredi, al qoǵamdyq tamaqtaný kásiporyndary shara aıasynda qyzmet kórsetý deńgeıi men sapasyn kóterip, barshaǵa ózin-ózi tanystyra alady. Ádettegideı, aspazshylar festıvalinde Astana qalasynyń úzdik barmeni jáne daıashysynyń esimderi, sondaı-aq úzdik fırmalyq taǵam anyqtalady. Aıta keteıik, taǵamnan dám tatý úshin ol barlyq kelýshilerge usynylatyn bolady.

***

Halyqaralyq jaýyngerlik óner festıvali

28 maýsymda «Dáýlet» ulttyq tennıs ortalyǵynda ótken halyqaralyq jaýyngerlik óner festıvalinde úzdik jekpe-jek ókilderiniń ónerin pash etip, óz turǵyndaryn taǵy da bir qýantty.
Qazaqstan, Reseı, Qytaı, Italııa, Japonııa men Fılıppın elderiniń úzdik sheberleri 11 dıstsıplınadan kórneki urystar kórsetti, sonyń ishinde djıý-djıtsý, kıokýshınkaı-kan karate, qoıan-qoltyq urys, sýmo, taekvando, mýaı-taı (taıs boksy), vın-chýn, qazaq kúresi, brazılııalyq djıý-djıtsý, shaolın-tsıýan, pekıtı-tırsııa kalı.
Festıval Elorda kúnine oraı ekinshi ret ótkizildi. Atalmysh shara álemniń túrli jekpe-jekter boıynsha úzdik sportshylardyń basyn qosatyn biregeı alańǵa aınaldy. Bıyl sharaǵa Vın-Chýn Halyqaralyq federatsııasynyń (IWCO) qurmetti prezıdenti - Sıfý Donald Mak, Ultimate Fighting Championship qamqorlyǵymen óner kórsetetin, aralas stıldegi kásipqoı sportshy Habıb Nýrmagomedov, kásipqoı reseılik taıbokser jáne kıkbokser, taı boksynan jáne kıkboksıngten kásipqoılar men áýesqoılar arasyndaǵy jarystardyń birneshe dúrkin jeńimpazy, taı boksynan Reseıdiń Eńbek sińirgen sport sheberi Artem Levın syndy áıgili tulǵalar qatysty. Sonymen qatar, akter, kásipqoı sportshy, jaýyngerlik jekpe-jek boıynsha áskerı nusqaýshy bolǵan Sergeı Badıýk, qazaqstandyq boksshy, 2005 jylǵy jáne 2007 jylǵy álem chempıony, 2012 jylǵy olımpıada chempıony, «Astana Arlans» kásipqoı boks klýbynyń bas dırektory Serik Sápıev, taı boksy men K-1 kásipqoı sportshy, áýesqoılar arasyndaǵy álem chempıony, kásipqoılar arasyndaǵy Taıland Koroli kýbogynyń ıegeri Dáýlet Otarbaev, karate men MMA-den álemniń úsh dúrkin chempıony, djıý-djıtsýden Eýropanyń úsh dúrkin chempıony Aıdar Mahmetov, sondaı-aq, Qazaqstannyń djıý-djıtsý men MMA federatsııasynyń prezıdenti Anatolıı Kım sııaqty kesh qonaqtary sport súıer qaýym úshin tosyn syı boldy.
Aıta keteıik, festıval qalalyq ákimdiktiń qoldaýymen ótkizildi.
Eske salaıyq, ótken jyly birinshi jaýyngerlik óner festıvaline barsha álemnen 150-ge jýyq sheber qatysyp, sharanyń basty qonaqtary Stıven Sıgal, Sergeı Badıýk pen Batý Hasıkov bolǵan.

Jaýyngerlik óner festıvalinde astanalyqtar jekpe-jekter urystaryn tamashalady

Vın-Chýn halyqaralyq federatsııasynyń qurmetti prezıdenti Sıfý Donald Mak Astanaǵa alǵash ret at basyn tiredi. Qazaqstanda atalmysh federatsııanyń 4 mektebi jumys isteıdi. 
- Vın-Chýn Qytaıda paıda bolǵan, 200 jýyq jyl buryn onyń negizin áıel adam qalaǵan. Jekpe-jektiń bul túrin Brıýs Lı men onyń ustazy Ip Man keńinen taratqan. Qazirgi kezde bul mekteptiń álemniń 16-dan astam memleketinde 100 artyq fılıaly bar. Oqý júıesi standarttalǵan, bul osy sport túrin keńinen dáriptep, barsha álemde damytýǵa múmkindik beredi. Al Qazaqstanǵa jaqynda ǵana ákelindi. Men óz tarapymnan ony qarqyndy túrde damytý úshin bar kúshimdi salamyn, - dedi Donald Mak.
Festıval qonaqtarynyń biri aralas stıldegi kásipqoı sportshy Habıb Nurmagomedov. Ol Astananyń árqashan da jyly shyraımen qarsy alatynyn atap ótti.
- Meni Qazaqstanda kóp adam qoldaıtynyn bilemin jáne sezemin. Sondyqtan aldymen Daǵystanda, sodan keıin bolashaqta osynda jekpe-jekter mektebin ashýdy josparlap otyrmyn, - dedi sportshy. 
Sport súıer qaýym festıvalde kásipqoı sportshy, áskerı jekpe-jekter nusqaýshysy Sergeı Badıýktiń ónerin tamashalady. Ol keler jyly astanalyq parkterde shantı-praktıka ótkizýge ýáde berdi. 
- Sportqa tartylatyn jastar kóp, baqytymyzǵa oraı, bul búginde sánge aınaldy. Bárine birdeı jekpe-jekpen aınalysý qajet emes, eń bastysy denimiz saý ári myqty bolsaq boldy. Astanada alańdarmen jasaqtalǵan jaqsy parkter bar, sondyqtan keler jyly shantı-praktıka ótkizýimiz ábden múmkin, - dedi Sergeı Badıýk.
Festıvaldiń qurmetti qonaqtarynyń ishinde taı boksshysy jáne kıkbokser, taı boksynan Reseıdiń eńbek sińirgen sport sheberi Artem Levın de bar. Sporttyq merekege otandyq sportshylar da qatysty. 
28 maýsym kúni arenada Italııa, Qazaqstan, Qytaı, Reseı, Fılıppın jáne Japonııa memleketteriniń úzdik sheberleri óner kórsetti.

Taı boksynan álem chempıondary elordalyq oqýshylarǵa arnalǵan sheberlik dáristerin ótkizdi.

29 maýsymda ekinshi Halyqaralyq jaýyngerlik óner festıvaliniń qatysýshylary Astana qalasynyń sport mektepteriniń shákirtterine arnalǵan sheberlik dáristerin ótkizdi. Taı boksynan kásipqoılar arasynda álem jáne Eýropa chempıony - Artem Levın jáne taı boksy men K-1 kásipqoı sportshy, taı boksynan áýesqoılar arasyndaǵy álem chempıony, sondaı-aq, kásipqoılar arasynda Taıland koroli kýbogynyń ıegeri Dáýlet Otarbaev taı boksynyń erekshelikteri men artyqshylyqtaryn is júzinde kórsetip, jańa bastap otyrǵan sportshylardy qyzyqtyrǵan barlyq suraqtarǵa jaýap berdi.
Sonymen qatar, Vın-Chýn halyqaralyq federatsııasynyń qurmetti prezıdenti (IWCO) - Sıfý Donald Mak balalarǵa jaýyngerlik tehnıka men ýshý tásilderin úıretti.
Mańyzdy sporttyq sharadan qazaqstandyq sportshylar da tys qalmady. Elimizdiń tanymal boksshysy, 2005 jylǵy jáne 2007 jylǵy álem chempıony, 2012 jylǵy olımpıada chempıony, «Astana Arlans» kásipqoı boks klýbynyń bas dırektory Serik Sápıev, taı boksy men K-1 kásipqoı sportshy, áýesqoılar arasyndaǵy álem chempıony, kásipqoılar arasyndaǵy Taıland Koroli kýbogynyń ıegeri Dáýlet Otarbaev, karate men MMA-den álemniń úsh dúrkin chempıony, djıý-djıtsýden Eýropanyń úsh dúrkin chempıony Aıdar Mahmetov, sondaı-aq, Qazaqstannyń djıý-djıtsý men MMA federatsııasynyń prezıdenti Anatolıı Kım sııaqty kesh qonaqtary óz sheberlikterin ortaǵa saldy.
Festıval Elorda kúnine oraı ekinshi ret ótkizildi. Atalmysh shara álemniń túrli jekpe-jekteri boıynsha úzdik sportshylardyń basyn qosatyn biregeı alańǵa aınaldy.
Birinshi jaýyngerlik óner festıvaline barsha álemnen 150 jýyq sheber qatysyp, shara barysynda Stıven Sıgal, Sergeı Badıýk pen Batý Hasıkov kópshilikke túrli jekpe-jekterden aıla-tásilder kórsetti. Sonymen qatar, elordalyq kórermender alǵash ret shaolın monahtarynyń ónerin tamashalady.

UFC juldyzy Habıb Nýrmagomedov Astanada ótken ІІ jaýyngerlik óner festıvaline qatysty

Aralas stıldegi kásipqoı sportshy, mıllıondaǵan adam pir tutatyn tulǵa Habıb Nýrmagomedov Astanada erejesiz urystar boıynsha jattyǵýdy ótkizdi.
Elordada Astananyń 18 jyldyǵyna arnalǵan ekinshi jaýyngerlik óner festıvali aıaqtaldy. «Dáýlet» ulttyq tennıs ortalyǵynda ótip jatqan sporttyq sharaǵa djıý-djıtsý, karate, qoıan-qoltyq urys, sambo jáne basqa da 7 jekpe-jek túri boıynsha eń úzdik sheberler jınaldy. Qazaqstan, Reseı, Qytaı, Italııa, Japonııa jáne Fılıppın memleketteriniń tanymal sportshylary kórermenderge 11 kórneki urys kórsetti.
Jalpy kórneki urystar men qoıylymdarǵa álemdik memleketterden barsha jurtqa tanymal 250 sportshy qatysty. Bıyl uıymdastyrýshylar kórermender úshin kóptegen tosyn syı ázirledi. Mysaly, qonaqtar naǵyz japon sýmosyn nemese sırek kezdesetin pekıtı-tırsııa kalı jaýyngerlik qarýyn paıdalana bilý ónerin, sonymen qatar, byltyr bolmaǵan birqatar dıstsıplınalardy tamashalady.
Munymen qosa, elordanyń barlyq sport federatsııalarynda shaqyrylǵan ataqty sportshylar birneshe kún boıy tegin sheberlik dáristerin ótkizdi. Qatysýǵa nıet bildirgenderdiń barlyǵyna osy kúnderi esik aıqara ashyq boldy.
Vın-Chýn halyqaralyq federatsııasynyń (IWCO) qurmetti prezıdenti Sıfý Donald Mak astanalyqtarǵa Vın-Chýn tehnıkasyn úıretti.
- Men bul elge alǵash ret kelip otyrmyn. Maǵan bári de unady. El ordasy keremet áser qaldyrdy. Astana jas jáne óte ádemi qala eken. Festıval asa joǵary deńgeıde ótti. Bul shara asa paıdaly, ol óskeleń urpaqqa úlgi bolady, olardyń sportpen shuǵyldanýy jáne salaýatty ómir saltyn ustanýyna áser etedi. Qazaqstandyqtar meıirimdi jáne qonaqjaı halyq, men osyny baıqadym, sondyqtan barshańyzǵa baqyt pen ıgilik tileımin, - dedi Donald Mak.
Al taı boksynyń artyqshylyqtary men myqtylyǵy týraly atalmysh jaýyngerlik óner túrinen kásipqoılar arasyndaǵy Álem jáne Eýropa chempıony Artem Levın baıandady.
Aıta keteıik, festıvalge qatysýshylar osy bir keń aýqymdy sharanyń joǵary deńgeıde uıymdastyrylǵanyn birneshe ret qaıtalady. Festıval elordada jaýyngerlik ónerdi damytýǵa jańa baǵyt pen serpin beretin bolady.

***

Elordada qymyz merekesi ótedi

Elorda kúnin merekeleý aıasynda «Jeruıyq» saıabaǵynda ashyq aspan aıasynda naǵyz qazaq aýyly oryn tebedi. 5 jáne 6 shildede alǵash ret Uly dala halqynyń basty sýsyny - qymyzǵa arnalǵan «Qymyzmuryndyq» halyqaralyq etnografııalyq festıvali ótkiziledi.
Sharanyń basty maqsaty - kelýshilerdi qymyzben jáne onyń qasıetterimen tanystyryp qana qoımaı, túrli halyqtardyń mádenıetterin jaqyndastyrýǵa, qosylýyna, etno-mádenı dıalogtyń damýyna, salaýatty ómir saltyn nasıhattaýǵa, Qazaqstan halqynyń materıaldyq jáne rýhanı mádenıetin saqtaýǵa jáne keńinen taratýǵa járdemdesý, umyt bolǵan qazaq ulttyq salt-dástúrler men ádet-ǵuryptardy qaıta jańǵyrtý. Sonymen qatar, festıval qymyz jasaý men óndirý, qoldanbaly qolóner boıynsha jas daryndy sheberler, sýretshiler men modelerler úshin jaqsy alańǵa aınalyp, ózin-ózi tanystyrýǵa múmkindik beredi.
Qalada 1992 jyldan bastap ótkizilip kelgen búgingi etnografııalyq merekeniń taqyryby QR Táýelsizdiginiń 25 jyldyǵy men «EKSPO-2017» kórmesi bolmaq. Ony ótkizý ıdeıasy elimizdiń ózge óńirlerinde de qoldaý tapty. Búginde bul shara Almaty, Pavlodar, Taraz, Shymkent jáne t.b. qalalarda uıymdastyrylatyn bolady.
Ejelden dala halqy jazda bıe saýyp, qymyz ashytqan. Bul aıtýly sharaǵa aýyldyń alty aýyzy, týǵan-týystar, kórshi-qolań, dos jarandar shaqyrylǵan. Jazdaǵy alǵashqy sýsynnan dám tatqyzý jáne molshylyqtyń belgisi retinde qasıetti sýsyndy jerge tógý qazaqtar úshin tutastaı bir salt-jora. Uıymdastyrýshylar festıval barysynda osy dástúrdi jaǵyrtpaq nıette. Sharaǵa Qazaqstannan basqa, Qyrǵyzstan, Omby, Qalmaq, Altaı aımaǵy, Novosibir, ıAkýtııa, Zabaıkale aımaǵy, Býrıatııadan kelgen sheberler qatysady.
Birneshe kún boıy kók shalǵynda ulttyq naqyshta bezendirilgen 10 kıiz úı tigiledi. Mol dastarhan jaıylyp, kópshilikke ulttyq taǵamdar - qurt, baýyrsaq, jent, irimshik, shubat pen qymyz usynylady. Budan basqa, qonaqtar samaýyrynnan quıylǵan hosh ıisti shaı ishedi. Al kire beriste qoldanbaly óner kórmesi kópshiliktiń nazaryna usynylady. Sonymen qatar, etnoaýylda altybaqandar ornatylyp, jigitter men qyzdar, saýyq-saıran quryp, án aıtady. Jaqyn mańda batyrlar men balýandar kúsh synasyp, sheberlik baıqasady.
Festıvaldiń ashylýynda qymyzdy madaqtaýǵa arnalǵan teatrlandyrylǵan qoıylym, qatysýshylar sherýi, bı men aıtys ótedi. Sharany uıymdastyrýǵa Q. Qýanyshbaev atyndaǵy qazaq mýzykalyq drama teatrynyń ártisteri, «Altyn dán» ansambli (L. Gatsenko) jáne basqa da elordalyq shyǵarmashylyq ujymdar atsalysady.
Qonaqtar úshin sahna tórinde Maıra Ilıasova, Altynaı Jorabaeva, Marjan Arapbaeva, Baǵdat Samıtdınova, Indıra Rasylhan jáne t.b. syndy tanymal estrada ánshileri óner kórsetedi.
Munymen qosa, kelýshiler shara barysynda qymyz týraly bilimin tekserip, qymyz ishýden jarysady, armrestlıng, arqan tartý jáne t.b. saıystarda kúsh synasady. Jeńimpazdarǵa estelik syılyqtar tabystalady.
Etnoaýyl qonaqtary qymyz ishý rásimin jáne ıakýtııalyq qalyńdyqty kıindirý jorasyn, Zabaıkale aımaǵynyń ókili Jalsanova Darımanyń attyń qylynan jasaǵan úlgiler kollektsııasynyń, Eýrazııalyq dızaınerler odaǵynyń múshesi, qazaqstandyq Qaırolla Ábishevtiń kollektsııasynyń, Shadapova Handanyń «Baıkal marjandary» kostıýmder kollektsııasynyń kórsetilimin jáne t.b. tamashalaıdy. Mereke kúnderi «Altyn dala daýysy» búkilreseılik baıqaýynyń laýreaty, sozylyńqy qalmaq ánderin oryndaýshy Evrena Orgaeva, naǵyz altaı homýsynda oınaıtyn Ignatev Vıktor Vıktorovıch Astanaǵa arnaıy at basyn tireıdi.
Qymyz jasaý men ony saqtaý týraly bilgisi keletinder, sondaı-aq, ulttyq qýyrshaqtar jasaýdy, toqý men tigýdi úırenýge nıetti jandar sheberlik dáristerine qatysa alady. Festıvaldiń qanyq baǵdarlamasy barshany myńjyldyqtar boıy saqtalyp, urpaqtan-urpaqqa berilip kelgen salt-dástúrlermen jáne ádet-ǵuryptarmen tanystyrady. Sonymen qatar, festıval qymyz jasaý men óndirý, qoldanbaly qolóner boıynsha jas daryndy sheberler, sýretshiler men modelerler úshin jaqsy alańǵa aınalyp, ózin-ózi tanystyrýǵa múmkindik beredi.

***

Astana samaly - orkestorlyq mýzykanyń tán eliktirer áýeni

Astana kúni - jyl boıyndaǵy keremet merekelerdiń biri. Sondyqtan bul kúni jas qalanyń ásemdigi men jetken jetistikteri jaıly talaı ánder shyrqalady. Osy oraıda, bıyl «Astana samaly» halyqaralyq baıqaýy jetinshi ret uıymdastyrylyp otyr. Baıqaý qala kóshelerinde ashyq aspan aıasynda ótkiziledi. Sondyqtan mereke kúni qala turǵyndary men elorda qonaqtary aspapty mýzykanyń ásem áýenin tyńdap, sazdy kúıge bólene alady. Úrmeli mýzyka adamnyń ishki jan dúnıesimen ishki sezimin bir arnaǵa toǵystyratyn dúnıe. Kezinde Mark Kogan, «Úrmeli mýzyka tyńdaýshylarǵa jan tynyshtyǵyn syılaıdy» - degen eken. Shyn máninde, búginde, áskerı paradtardy, halyqtyq serýenderdi, kez-kelgen merekelik is-sharany úrmeli aspapsyz elestetý múmkin emes.
Bıylǵy jyly festıval baǵdarlamasy Astana qalasy ákimdiginiń Memlekettik fılarmonııasy, Qazaqstan Respýblıkasynyń Ulttyq gvardııasy, Shyǵys Qazaqstan oblysynyń fılarmonııasy, Nıjnıı Tagıl jáne Reseı Orynbor qalalyq orkestri «Tagıl - BEND» orkestrleriniń repertýarlarynan turady. Festıvaldiń arnaıy qonaǵy ejelgi ónerdi jandandyrý maqsatynda 1976 jyly qurylǵan Italıandyq «Storici Sbandieratori delle Contrade di Cori» orkestrlik toby. Óner súıer qaýymnyń ystyq yqylasyna bólengen atalmysh top, endi elorda kórermenderin orkestrlik ásem áýenmen, tamasha kostıýmderimen qýantpaq.
Festıvaldiń saltanatty ashylý rásimi shildeniń 4-nde saǵat 20:00 Elordamyzdyń ortalyq alańynda ótedi. 5 shildede kúndiz saǵat 11:00 festıvaldiń qatysýshylary kórermenderin Astana qalasynyń ákimdigi mańyndaǵy alańda óz ónerlerimen tánti etetin bolady. Sol kúni keshke uıymdastyrýshylar «Báıterek» monýmenti janynda naǵyz bend-marafon uıymdastyrady. 6 shilde kúni saǵat 11:00 festıvaldiń jarqyn, erekshe sıqyrly, qorytyndy kontserti Respýblıka dańǵylynan bastaý alyp, Áskerı tarıhı murajaıyn kesip ótip, «Jastar» saraıynyń mańyna deıin jalǵasady. Qorytyndy merekelik paradta barlyq toptar óner kórsetip, jurtshylyqqa tamasha kóńil kúı syılaıtyny haq. Sondaı-aq, festıval qatysýshylary «Stýdent» jáne «Jeruıyq» saıabaqtarynda da óner kórsetedi.

***

Sýretshiler bıennalesi

Búgingi ómirdiń shynaıylyǵyn, ondaǵy máselelerdi, keıde apattardy, tipti, jetistikterdi sýretshiniń týyndysynan ózge ashyq ári beıneli etip eshteńe jetkize almaıtyn sekildi. Bul elordada alǵash ret sýretshilerdiń halyqaralyq bıenallesin uıymdastyrýǵa túrtki boldy. Óner merekesiniń taqyryby - QR táýelsizdiginiń 25 jyldyǵy jáne aldaǵy ýaqytta ótetin «EKSPO-2017» kórmesi. Sharaǵa Qazaqstannyń, taıaý jáne qıyr shetelderdiń beıneleý óneriniń úzdik sheberleri qatysady. Astana Italııa, Frantsııa, Shveıtsarııa, Germanııa, Reseı jáne Lıvannan keletin qonaqtaryn qarsy alady.
Qala ákimdigi men elordalyq «Sýretshiler odaǵynyń» bastamasymen ótkiziletin keń aýqymdy shara 2 shildede Táýelsizdik saraıynda qatysýshylardyń eńbekteriniń kórmesimen óz shymyldyǵyn ashady.
Ónerdi planetamyzdy jahandyq jylynýdan qutqarýdyń pármendi tetigi retinde keńinen taratý - elordada árbir eki jyl saıyn ótkizilip otyratyn bıenalleniń urandarynyń biri bolmaq.
Qylqalam sheberleriniń kartınalary merekeniń kórkin keltirip qana qoımaı, sondaı-aq, balamaly energııa kózderine kóshý, álemde týyndaǵan ekologııalyq qaýip-qatermen kúres, jańa jasyl tehnologııalardy jasaý men qoldaný ıdeıasyn nasıhattaıdy.
Atalǵan sharanyń erekshelikteriniń biri - onda «Bolashaq energııasy» taqyrybymen úndes eńbekteri úshin bedeldi marapattarǵa qol jetkizgen áıgili sýretshiler bas qosady. Elorda turǵyndary men qonaqtary birneshe kún boıy sýretshilerdiń sheberlik synyptaryna da qatysý múmkindigine ıe bolady. Qonaqtardyń biri AQSh-ta ózara básekeles - PSA jáne ASOPA syndy eki bedeldi kórkemsýret baıqaýynda eń joǵary marapattarǵa ıe bolǵan álemdegi jalǵyz sýretshi Nıkolaı Blohın. Sońǵy baıqaýdyń beıresmı ataýy - «Forbs syılyǵy».
Qylqalam sheberleri óz sýretterinde jas elordamyzdyń ásem kórinisterin beıneleıtin bolady.
6 shildede Táýelsizdik saraıynda sharanyń saltanatty jabylý rásiminde óner súıer qaýym barlyq eńbekterdi tamashalap, óz baǵasyn bere alady.

***

Bıle, Astana!

Elordada «Bıle, Astana» birinshi horeografııalyq festıvalinde barlyq jastaǵy úzdik bıshiler alǵash ret bir sahnada sheberlik baıqasady. Myń buralǵan bıshiler jarysy Elorda kúni men Qazaqstannyń Táýelsizdiginiń 25 jyldyǵyna oraılastyrylǵan.
Sharany uıymdastyrýshylar - Astana qalasynyń ákimdigi men «Naz» memlekettik bı teatry.
Festıval shildeniń 3-i men 6-sy aralyǵynda «Parýs» sahnasynda ótedi. Onda balalar óner mektepteriniń, mýzyka mektepteriniń, demalys ortalyqtarynyń, mádenıet úıleriniń, balalar men jasóspirimder saraılarynyń bazasynda daıyndalatyn jeke oryndaýshylar, ansamblder, ujymdar, orta arnaıy, joǵary mýzykalyq jáne kórkemdik oqý oryndarynyń shákirtteri, stýdııalardyń, sektsııalardyń shyǵarmashylyq ujymdary nemese jeke oryndaýshylary jáne horeografııalyq janrdaǵy jalpy bilim beretin mektepteriniń ókilderi baǵyn synaı alady. Bul rette bıshilerdiń jasy 5-ten 21-ge deıin bolady. Olardyń sheberligin tanymal horeograftar, ártister, mýzykanttar, oryndaýshylar, rejısserler, shyǵarmashylyq JOO-lardyń oqytýshylarynan qurylǵan ádil qazylar alqasy baǵalaıtyn bolady.
Árbir nomınatsııada jáne jas sanaty boıynsha qazylar alqasymen 3 laýreat pen 3 dıplomant anyqtalady. Úzdik shyǵarmashylyq ujym pen jeke oryndaýshy festıval Bas júldesi kýbok pen aqshalaı syılyqqa ıe bolady. Barlyq qatysýshylarǵa arnaıy dıplomdar tabystalady.

***

IV «Sahnadan sálem» teatr festıvaliniń qorytyndysy shyǵaryldy

Bir aptanyń ishinde elorda turǵyndary men qonaqtarynyń nazaryna Qazaqstan, Reseı jáne Ýkraına teatrlary ujymdarynyń úzdik qoıylymdary usynyldy.
Astanalyq sahna tórinde Astana, Almaty, Jezqazǵan, Oral, Óskemen, Shymkent, Semeı, sondaı-aq, Máskeý men Kıevten kelgen trýppalar óner kórsetti.
Qalyptasqan dástúr boıynsha eksperttik qazylar alqasynyń quramyna festıvaldiń qurmetti qonaqtary- teatr álemindegi tanymal tulǵalar jáne atalmysh óner maıtalmandary endi. Atap aıtqanda, dramatýrg, teatr synshysy Erkin Jýasbek, QR halyq ártisi, Gúljahan Áspetova, Qazaqstannyń halyq ártisi Talǵat Temenov, sondaı-aq sheteldik qonaqtar Mádenıet qaıratkerleriniń astanalyq tsehi keńesiniń múshesi Igor Krasnopolskıı jáne teatrtanýshy Marııa ıÝreva.
- Suhbattardyń birinde Mark Zaharovtan «Óz akterlaryńyz jaıly ne oılaısyz?» dep suraǵan eken. Ol bolsa: «Bilesiz be, akterlar, olar...», birer paýzadan keıin «olardy negizi adam deýge bola ma?» degen eken. Kishkentaıyńnan sekirmekpen sekirip oınap, 80-90 jasqa deıin jumys isteý jáne aǵash qylyshty ras dep sanaý - bul tek óz kásibine adal adamnyń ǵana qolynan keler is. Akterdiń bolmysy sol. Astanany shynymen de teatrlyq qylý úshin osyndaı festıvaldardy múmkindiginshe jıi ótkizý kerek. Sonda kóptegen teatrlar kelip, óz kásipteriniń qyr-syrymen bólisedi. Teatr sheksiz. Osyndaı mereke uıymdastyrǵany úshin ákimdikke alǵys aıtamyn,- dedi belgili rejısser, elordalyq M. Gorkıı atyndaǵy orys drama teatrynyń akteri Sergeı Matveev festıvaldiń jabylýyna oraı ótken baspasóz máslıhaty barysynda.
Máskeýlik «Teatr Lýny» festıvalge alǵash ret qatysty. Teatrdyń kórkemdik jetekshisi, eńbek sińirgen óner qaıratkeri Igor Krasnopolskııdiń aıtýynsha, Azııanyń, sonyń ishinde qazaqstandyq teatrlardyń áleýeti zor.
- Astanada teatr festıvali ótkiziletini jaqsy. Onda túrli máseleler men bólisip, ıdeıalarmen bólisýge bolady. Osyndaı festıvaldardy jandandyryp, jıirek ótkizý kerek. Azııanyń áleýeti zor: Qazaqstan, Túrkmenstan, Úndistan, Qytaı - bul keremet halyqtar. Qazaqstanǵa alǵash ret kelip otyrmyz. Qala da, teatr da tamasha, jastar da jaqsy. Tilderińizge ǵashyq boldym, óıtkeni ol Stanıslavskııdiń júıesimen buzylmaǵan eken, akterlaryńyz ónerli, shynaıy. Bizge tájirıbe almasý qajet, biz osyndaı ýaǵdalastyqqa qol jetkizdik, - dep máskeýlik meıman sharadan alǵan áserlerimen bólisti.

Astanadaǵy teatr aptalyǵynyń shymyldyǵy 20 maýsymda elordalyq «Jastar» teatrynyń ártisteriniń oryndaýyndaǵy «Motsart» mıýzıklimen ashyldy. Kelesi kúni Q. Qýanyshbaev atyndaǵy memlekettik akademııalyq qazaq mýzykalyq drama teatry rejısser B. Uzaqovtyń «Bir kem dúnıe» dramasyn usyndy.
Festıvaldiń úshinshi kúni teatr súıer qaýym Batys Qazaqstan oblystyq qazaq darama teatrynyń(Oral q.) «Jalt etken bir sáýle»,sondaı-aq, Óskemennen kelgen qonaqtardyń Shyǵys Qazaqstan oblystyq drama teatrynyń «Úılený» qoıylymdaryn tamashalady.
23 maýsymda kórermender elordalyq M. Gorkıı atyndaǵy Memlekettik akademııalyq orys drama teatrynyń jańa «Probýjdenıe» tresh-dramasyn jáne J. Shanın atyndaǵy oblystyq qazaq drama teatry shymkenttik ártisterdiń oryndaýyndaǵy «Bas» dramasyn tamashalady.
Budan basqa, kelesi kúni S. Qojamqulov atyndaǵy Jezqazǵan qazaq mýzykalyq-drama teatry tarıhı dramalardy unatatyndarǵa «Qulan qypshaq - Keıki batyr» qoıylymyn usynady. Al fantastıkaǵa áýes jandar elordaǵa «Zver» fantastıkalyq hıkaıasyn ala kelgen F. Dostoevskıı atyndaǵy orys drama teatrynyń (Semeı q.) qoıylymyn tamashalady.
Ǵ. Músirepov atyndaǵy balalar men jasóspirimderge arnalǵan Almaty qazaq memlekettik akademııalyq teatrynyń qonaqtary astanalyqtardyń nazaryna «Qara shekpen» mysalyn usyndy.
Sonymen qatar, festıvalge Reseı men Ýkraına ártisteri de qatysady. 25 maýsymda «PaperWall» Kıev teatrykórermendergerejısser M. Nazarenkonyń «On Ona Jızn» vızýaldy-plastıkalyq spektaklin kórsetti. Teatr aptalyǵy «Teatr Lýny» máskeýlik teatr ártisteriniń oryndaýyndaǵy «Antrakt» dramasymen aıaqtaldy.
Festıvaldiń tusaýy 2013 jyly kesilgen. Bul ýaqıǵa Astananyń 15 jyldyq toıy aıasynda ótti.
Jyl saıyn «Sahnadan sálem!» halyqaralyq festıvaliniń aýqymy keńeıe túsip, oǵan qatysatyn qalalar men memleketterdiń sany artyp, Qazaqstannyń teatr álemindegi aıtýly oqıǵaǵa aınaldy. 2013 jyldan beri festıvalge Qazaqstannyń barlyq óńirleriniń, sondaı-aq, taıaý jáne qıyr shetelderdiń: Reseı, Lıtva, Túrkııa, Dagestan, Grýzııa teatrlary qatysty. Bıyl baǵdarlamada 11 teatr óner kórsetti.
Festıvaldiń qurmetti qonaqtary ári qazylar alqasy quramynda tanymal dramatýrg, teatr synshysy Erkin Jýasbek bastaǵan óner qaıratkerleri boldy. Atap aıtsaq, Qazaqstannyń Halyq ártisi, eńbek ardageri, «Qurmet» ordeniniń ıegeri, professor Gúljahan Áspetova, Qazaqstannyń Halyq ártisi, Sháken Aımanov atyndaǵy ha¬lyq¬aralyq syılyqtyń ıegeri, professor Talǵat Temenov, sondaı-aq sheteldik qonaqtar - teatr jáne kıno akteri, rejısser, Reseı teatr menedjerleri gıldııasynyń múshesi, «Mádenıet qaıratkerleriniń astanalyq tsehi» Keńesiniń múshesi Igor Krasnopolskıı, teatrtanýshy, «Baltyq úıi» jobasynyń úılestirýshisi, TMD jáne Baltııa elderiniń «Reseıdegi kezdesý» Halyqaralyq teatrlar festıvaliniń jetekshisi Marııa ıÝreva keldi.
Festıvaldiń tusaýy 2013 jyly kesilgen. Bul ýaqıǵa Astananyń 15 jyldyq toıy aıasynda ótti. Alǵashqy festıval kezinde shahar turǵyndary men qonaqtary sol shaqtaǵy eń tanymal qoıylymdardy tamashalady. Halyqaralyq jáne respýblıkalyq baıqaýlarda júlde alǵan spektaklder kórermender tarapynan óte joǵary baǵalandy. Elorda teatrlarynyń sahnasynda Astana, Almaty, Qaraǵandy, Qostanaı, Aqtaý, Shymkent, Taraz, Petropavl, Semeı jáne Oral óńirleriniń teatr juldyzdary óner kórsetti. Bul aptalyqqa arnaıy qonaq retinde Eýropanyń eń bedeldi teatrlarynyń biri - Lıtvanyń ataqty Orys dramalyq teatry shaqyryldy. Vılnıýs qalasynan kelgen qurmetti qonaqtar Pavel Sanaevtyń «Pohoronıte menıa za plıntýsom» atty áıgili kitabynyń jelisi boıynsha jazylǵan Marıýs Matsıavıchıýstiń «Svolochnaıa lıýbov» pesasyn sahnalady. Memlekettegi myqty teatrlardyń tuńǵysh sherýi jańa esimder men talanttardyń tanylýyna jol ashty. Solardyń biri Qalıbek Qýanyshbaev atyndaǵy Memlekettik akademııalyq qazaq mýzykalyq-drama teatry somdaǵan «Tańǵajaıyp planeta» qoıylymynyń premerasy boldy. Fantasmagorııa janryndaǵy spektakldiń ezýge kúlki úıiretin ári oılandyratyn epızodtary kóp-tin. Qoıylymda Astana jaıly bir aýyz sózdiń joqtyǵyna qaramastan, kórermen onyń buryn-sońdy bolmaǵan jańa planeta týraly ekenin tez túsindi. Bul - táýelsizdiktiń arqasynda Qazaqstannyń qaq tórinde boı kótergen elordanyń sımvoly ispettes edi.
«Sahnadan sálem» festıvaliniń alǵashqy maýsymy óz kezeginde betashar shara retinde qabyldansa, 2014 jylǵy teatr aptalyǵy áldeqaıda salmaqty ári aýqymdy deńgeıde ótti. Astana sahnasynda spektakl qoıyp, kásibı sheberlikterin pash etý múmkindigine tek joǵary dárejedegi teatrlar ıe boldy. Óıtkeni, dodaǵa qatysýshylar qatań talappen irikteldi. Arnaıy komıssııa áýeli qoıylymdardyń beınejazbalaryn muqııat kórip, sol arqyly festıvalge laıyqty teatrlardy tańdady. Nátıjesinde Qazaqstannyń 14 oblysynan 9 teatr suryptaldy.
Osylaısha 400-deı ártis kórermender nazaryna tragedııa, drama, komedııa sekildi túrli janrdaǵy spektaklderdi usyndy. Festıvaldiń Astana kúnine oraı uıymdastyrylýy osylaısha dástúrge aınalyp shyǵa keldi.
Elorda toıyna syılyq retinde Túrkııanyń Memlekettik teatry sahnalaǵan «Merakı» spektakli jurtshylyq yqylasyna bólendi. Qoıylym ataýy qazaq tiline «Beımazalyq» dep aýdarylady. Budan bólek, festıvalge Qazaqstan men Reseıdiń áıgili teatr synshylary keldi.
Jyl saıyn «Sahnadan sálem» Halyqaralyq festıvaliniń aýqymy keńeıe tústi. 2015 jyly sharaǵa 12 teatr qatysyp, dúbirli dodalarda jeńimpaz atanǵan qoıylymdaryn daıyndap ákeldi. Úshinshi ret uıymdastyrylǵan festıvaldiń ashylý saltanatynda sóz sóılegen Astana qalasynyń Mádenıet basqarmasy basshysy Bolat Majaǵulov: «Qazaqstannyń teatr álemin endi «Sahnadan sálem» festıvalinsiz elestetýge bolmaıdy. Bul shara eldiń óner salasyndaǵy aıryqsha ýaqıǵaǵa aınaldy» dep atap ótti.
ІІІ Halyqaralyq festıval belgili «Sırano de Berjerak» komedııasymen shymyldyǵyn túrdi. Ony aıtýly reseılik akter Sergeı Bezrýkov jetekshilik etetin Máskeý gýbernııalyq teatry sahnalady. Spektakldiń ereksheligi sol, qoıylymdaǵy áreketter tıflotúsindirme arqyly súıemeldendi. «Osyndaı qyzmet túri bar, ıaǵnı, zaǵıp jáne kózi nashar kóretin adamdarǵa yńǵaıly jaǵdaı qarastyratyn teatr ázirge Reseıde bireý-aq. Sondyqtan bizdiń teatrǵa barsha qaýym, onyń ishinde, múmkindigi shekteýli jandar da kóptep tartylsa deımiz. Ókinishke qaraı, mundaı sanattaǵy kisilerge arnalǵan qolaıly orta qoǵamda az» degen bolatyn Sergeı Bezrýkov.

***

«Astana-Dýatlon-2016» jarysyna qatysýshylar 25 km baǵyndyrdy

Sporttyq jarysqa Qazaqstan premer-mınıstri Kárim Másimov, Prezıdent Ákimshiliginiń basshysy Ádilbek Jaqsybekov, Mádenıet jáne sport mınıstri Arystanbek Muhamedıuly, sondaı-aq, Olımpıada chempıony Aleksandr Vınokýrov qatysty.
- Menińshe qala kúni qarsańynda bul barsha astanalyqtar úshin úlken mereke. Bárińizdi osy merekemen quttyqtaımyn, - dedi Kárim Másimov.
Ádilbek Jaqsybekov Memleket basshysynyń elimizde sport pen mádenıetti damytý boıynsha tapsyrmasyna sáıkes sporttyq sharalar ótkzilip jatqanyn atap ótip, qatysýshylarǵa sporttyq dástúrlerge qoldaý kórsetkeni úshin alǵys aıtty.
- Barlyq astanalyqtardy osy oqıǵamen quttyqtaımyn, eń bastysy - densaýlyq, sportpen shuǵyldanyńyzdar!- dedi Ádilbek Jaqsybekov.
Jarys «Báıterek» monýmentiniń aldyndaǵy alańnan bastalyp, sonda aıaqtaldy. Bıyl jarysqa qatysýshylar respýblıkamyzdyń táýelsizdiginiń mereıtoılyq datasyna oraı 25 km baǵyndyrdy. Týrnır úsh kezeńmen ótti: 5 km júgirý, 15 km velosıpedpen júrý jáne 5 km qashyqtyqqa júgirý.
Qatysýshylar bes top boıynsha marapattaldy. Dýatlonnan jarysta erler arasynda 29 jasar Evgenıı Nepomnıaşnıı jáne áıelder arasynda 16 jasar Janerke Asan absolıýtti chempıon atandy. Olar sáıkesinshe, 56,10 mınýt jáne 1 saǵat 13,21 mınýtta márege jetti. Atalǵan qatysýshylar 16-30 jas aralyǵyndaǵy jeńimpazdar. ıAkov Kozlov (1 saǵ 1 mınýt) jáne Elena Ponomareva (1 saǵ 22 mınýt) 31-40 jas sanatynda júgirýde top jardy. 41-50 jas sanatynda Igor Karachev (59,43 mınýt) jáne Tatıana Mıhaleva (1 saǵ 24 mınýt) kósh bastady. 50 jastan asqandar arasynda qalada ótkiziletin barlyq sporttyq-buqaralyq sharalarǵa turaqty túrde qatysyp júrgen Bolat Jámishev úzdik boldy, ol qashyqtyqty 1 saǵ 9 mınýtta baǵyndyrdy.
Jeńimpazdar baǵaly syılyqtarmen jáne elordalyq sporttyq mekemelerge abonementtermen marapattaldy.
Saltanatty marapattaý rásiminen keıin dýatlonǵa qatysýshylar men qonaqtar úshin «Báıterek» monýmentiniń aldyndaǵy alańda kontserttik baǵdarlama, sondaı-aq, lotereıa utysy uıymdastyryldy. 

***

Fýtbol festıvali Astanada

Elordamyzdyń 18 jyldyǵyna oraı sport súıer qaýym men tórtkúl dúnıege keńinen tanymal sport túriniń jankúıerleri úshin úlken tartý jasamaq. 1 shilde kúni Q. Muńaıtpasov atyndaǵy Ortalyq stadıonda fýtbol festıvali ashylady.
Astana qalasynyń Fýtbol federatsııasy men elorda ákimdiginiń uıymdastyrýymen ótetin fýtbol marafony 3 shildege deıin jalǵasady.
Bul kúnderi Qazaqstandaǵy oqýshylar arasyndaǵy eń aýqymdy týrnır - Astana mektep lıgasynyń aqtyq jarystary ótedi. Jarysta qyzdar quramasy da óz oqý oryndarynyń namysyn qorǵaıtyn bolady.
Sonymen qatar, memlekettik qyzmetshilerden qurylǵan 30 komanda da kúndelikti jumysqa kıetin pıdjaktary men galstýktaryn tastap, sporttyq formamen dop qýatyn bolady.
Fýtbol merekesine atap ótýge Astana men Aqmola oblysynyń balalar úıleriniń 8 komandasy da atsalysady. Atalmysh qaıyrymdylyq týrnır «Best for kids» qoǵamdyq qorymen birlesip uıymdastyrylady.
Shara barysynda kórermender men jankúıerler de nazardan tys qalmaıdy. Olar úshin arnaıy konkýrstar, sheberlik synyptary, ótkizilip, syılyqtar men júldeler tabystalady, al merekeniń eń jas qatysýshylary anımatorlarmen kóńilin kóteredi, batýttarda sekirip, oınaıdy.

***

«Nurjol» jeleginde Astana Art Fest festıvali ótedi

Ótken jyly sharaǵa sansyz kóp qonaqtar men qatysýshylar jınaldy. Bıyl da uıymdastyrýshylar qala turǵyndary men qonaqtaryna qyzyqty ınstallıatsııalar men sheberlik dáristerin usynbaq.
Bıylǵy festıvaldiń negizgi taqyryby - «Human energy - Adam energııasy». Mereke qonaqtary ashyq aspan astyndaǵy aıyryqsha ınstallıatsııalardy, jandy qoıylymdardy, sáýletshilerdiń kórmelerin, sýretshiler medıalaryn, mýzykalyq jáne bı dýmandaryn jáne t.b. tamashalaıdy. Bıylǵy festıvalge negizinen Qazaqstannyń ókilderi qatysady, sonymen qatar, shara barysynda taıaý shetelderden kelgen qonaqtar da óz ónerlerin ortaǵa salady.
Festıval alańy tórt taqyryptyq sektorǵa bólinedi: qazirgi zamanǵy óner, sáýlet, dızaın jáne teatr. Sonymen qatar, munda Astana Art Forum pikirtalas-bilim berý alańy jumys isteıdi, onyń aıasynda qatysýshylar kez kelgen adamnyń talǵamyna saı dárister oqyp, sheberlik-synyptaryn ótkizedi.
Shara barysynda kópshilik nazaryna jańa bastaǵan sýretshilerdiń eńbekteri usynylady. Keıbir músinder jaz boıy elorda turǵyndary men qonaqtaryn qýantpaq. 
Festıvalge qatysýshylardyń Nurjol jelegindegi kóptegen eńbekteri - músinder, balalar alańdary elorda turǵyndary men qonaqtaryna jaz boıy qýanysh syılaıtyn bolady.
Festıval alańy tórt taqyryptyq sektorǵa bólinedi: qazirgi zamanǵy óner, sáýlet, dızaın jáne teatr. Sonymen qatar, munda Astana Art Forum pikirtalas-bilim berý alańy jumys isteıdi, onyń aıasynda qatysýshylar kez kelgen adamnyń talǵamyna saı dárister oqyp, sheberlik-synyptaryn ótkizedi.
Eń jas qonaqtar úshin festıvalge qatysýshy sáýletshiler arnaıy balalar alańdaryn daıyndady.
Munymen qosa, Astana men Almatynyń jas sýretshileri úshin bıyl alǵash ret «Sandyq óner» oqý kýrsy uıymdastyryldy. Jańa bastaǵan sheberlerdiń ne úırengenin Astana Art Fest alańynan kórýge bolady.
Esterińizge sala keteıik, ótken jyly festıvalge 44 qazaqstandyq jáne 10 sheteldik shyǵarmashylyq kásip ókilderi qatysqan bolatyn.

***

«Mýzart» toby elordanyń týǵan kúnine merekelik kontsert tartý etedi

Elorda kúnine oraı halyq taǵatsyz kútetin sharalardyń biri, barsha qazaqstandyqtardyń súıikti «Mýzart» tobynyń kontserti bolmaq. Keńinen tanymal trıo óz tabynýshylaryn ádemi ánderimen 15 jyldan beri qýantyp keledi, aldaǵy kontsert te atalmysh mereıtoılyq dataǵa oraılastyrylmaq.
Ártisterdiń aıtýynsha, Astanada úlken kontsert ótkizý - olardyń kópten bergi armany, elorda turǵyndary men qonaqtary da bul oqıǵany taǵatsyz kútýde. 8 shildede «Mýzart» toby «Qazaqstan» OKZ eki ret kontsert beredi. Sáken Maıǵazıev, Meırambek Bespaev jáne Kenjebek Janábilov ózderiniń úzdik ánderin dırıjerlar Aleksandr Belıakovpen, Aleksandr Abylaevpen, kompozıtor ári prodıýser Rınat Ǵaısınmen, «Astana» estradalyq-sımfonııalyq orkestrimen oryndaıdy.

***

Astanada kompozıtor S. Báıterekovtiń shyǵarmashylyǵyna arnalǵan kontsert ótedi

Qazaqstandyq kompozıtor Seıdolla Báıterekovtiń shyǵarmashylyǵyna arnalǵan kontsertte estrada juldyzdary óner kórsetedi. Elorda kúnine oraılastyrylǵan merekelik shara 4 shildede elordalyq Kongress-holl sahnasynda ótedi.
Qalyptasqan dástúr boıynsha Elorda kúnine oraılastyrylǵan merekelik sharalardyń biri aty ańyzǵa aınalǵan qazaq kompozıtorlarynyń birin eske alýǵa, onyń shyǵarmashylyǵyna arnalady. Bıyl ótkiziletin «Jan dosym» kontsertinde astanalyqtar men qala qonaqtary otandyq estrada juldyzdarynyń oryndaýyndaǵy tanymal qazaq kompozıtory, Qazaqstan Respýblıkasynyń eńbek sińirgen óner qaıratkeri Seıdolla Báıterekovtiń ánderin tyńdaıdy.
Roza Rymbaeva, Súndet Baıǵojın, Baǵdat Sámedınova, Jeńis Ysqaqova, Baqyt Shadaeva, Álı Oqapov, Áıgerim Qalaýbaeva, Serik Ibragımov, «Jetigen» jáne «Vıdmen» toptary, sondaı-aq, «Lúpil» dýeti búginde halyq ánderine aınalǵan kompozıtordyń shyǵarmalaryn oryndaıdy.
Ánshiler kompozıtsııalardysahna tórinde estradalyq-sımfonııalyq orkestrdiń, hordyń, balalar ansambliniń jáne qalalyq bı ujymdarynyń súıemeldeýimen oryndaıdy.
Án-jyr keshi saǵat 18.00 bastalady. Bıletter qala kassalarynda, sondaı-aq www.koncertyastany.kz saıtynda satylady.

Qalyptasqan dástúr boıynsha Elorda kúnine oraılastyrylǵan merekelik sharalardyń biri aty ańyzǵa aınalǵan qazaq kompozıtorlarynyń birin eske alýǵa, onyń shyǵarmashylyǵyna arnalady. Bıyl ótkiziletin «Jan dosym» kontsertinde astanalyqtar men qala qonaqtary otandyq estrada juldyzdarynyń oryndaýyndaǵy tanymal qazaq kompozıtory, Qazaqstan Respýblıkasynyń eńbek sińirgen óner qaıratkeri Seıdolla Báıterekovtiń ánderin tyńdaıdy.
Án-jyr keshi 4 shildede Kongress-Hollda saǵat 18.00 ótedi.
Roza Rymbaeva, Súndet Baıǵojın, Baǵdat Sámedınova, Jeńis Ysqaqova, Baqyt Shadaeva, Álı Oqapov, Áıgerim Qalaýbaeva, Serik Ibragımov, «Jetigen» jáne «Vıdmen» toptary, sondaı-aq, «Lúpil» dýeti búginde halyq ánderine aınalǵan kompozıtordyń shyǵarmalaryn oryndaıdy.
Ánshiler sahna tórinde estradalyq-sımfonııalyq orkestrdiń, hordyń, balalar ansambliniń jáne qalalyq bı ujymdarynyń súıemeldeýimen óner kórsetedi.

***

Qazirgi zamanǵy mýzyka festıvali

3, 4 jáne 5 shilde kúnderi «Astana-Arena» sport kesheni aldyndaǵy alańda jyl saıynǵy Zamanaýı mýzykanyń Festıvali ekinshi ret bolyp ótedi.Byltyrǵydaı shara barysynda Qazaqstan men shet memleketterdiń túrli mýzykalyq baǵyttar boıynsha úzdik oryndaýshylary bir sahna tórinde óner kórsetetin bolady. 

3 shildede marafon Hip-Hop festıvalinen tusaýyn kesedi. 
Hıp-hop úlgisindegi eriktirer áýeni bar ánderdi «AlemStar» (Astana), Al-Haııam (Almaty), ADAMANT'y (Astana), «Da Gudda Jazz» (Almaty), ST (Moskva), BuRiTo (Moskva), Maks Korj (Mınsk) toptary syıǵa tartady.
Tolyǵyraq Astanaday.kz saıtynan oqı alasyzdar.
4 shildede Rock Fest 2016 festıvali bastalady.
Qonaqtarǵa rok áýeniniń otty energııasyn «Novakain» (Astana), grýppa «Komancheros» (Almaty), «K7» (Astana), «Gorod 312» (Bıshkek), «Bratıa Grım» (Samara), «Chıj ı Ko» (Sankt-Peterbýrg) toptary taratady.
Zamanaýı mýzykanyń juldyzdy qorytyndysy 5 shildede DJ Fest 2016 bolmaq. Osy kúni Astanany týǵan kúnimen álemge aty áıgili DJ David Vendetta (Parıj, Frantsııa) quttyqtaıdy. Sonymen qatar, DJ RUIN (Astana) DJ Fara (Astana), DJ M.E.G. (Moskva), DJ Pasha Lee (Moskva) syndy dıdjeıler de sahna tórinde óner kórsetedi dep kútilýde.

Qazirgi zamanǵy mýzykanyń esten ketpes úsh kúndik marafony men jandy daýyspen oryndalǵan ánder elordanyń týǵan kúnine arnalǵan taǵy da bir tartý bolmaq.
Barlyq kontsertter keshki saǵat 20.00 bastalady.

***

«Qazaqstan Barysy»: úlken fınal

3 shildede elimizdiń eń myqty palýandary jeńimpaz beldigi jáne altyn «Taıtuıaq» úshin beldesedi. Elorda kúnine oraı «Saryarqa» Respýblıkalyq velotreginde Ult Kóshbasshysy - Qazaqstan Respýblıkasynyń Prezıdenti N.Á. Nazarbaevtyń júldesi úshin qazaq kúresinen VI Respýblıkalyq «Qazaqstan Barysy» týrnıriniń fınaly ótedi.
Aqtyq synda elimizdiń barlyq 14 oblysynan jáne Almaty men Astana qalalarynan 34 balýan úzdikterin anyqtaıdy.
Bılet satyp alǵan kórermenderdiń arasynda dástúr boıynsha sýper júlde - avtokólik oınatylady.
Jyldyń eń áserli týrnırine bıletter qazirden satylýda. Baǵasy - 1000, 2000 jáne 5000 teńge. Bıletterdi «Kerýen», «Mega», «Saryarqa», «Han shatyr» saýda-oıyn saýyq ortalyqtarynda, «Jastar» Saraıynyń jáne Kongress-Holl kassalarynan satyp alýǵa bolady.
Aldaǵy shara týraly tolyq aqparatty jobanyń www.KazakhstanBarysy.kz resmı saıtynan taba alasyzdar.

***

Ázil keshi

«Astana qalasynyń kóńildi tapqyrlar teatry» MQKK ujymy men «Ázil Álemi» elordany 18 jyldyǵymen quttyqtaıdy jáne «Kóńildi Astana» merekelik kontsertin usynady.
Kesh qonaqtary súıikti qazaqstandyq estrada ártisteri ónerin tamashalaıdy. «Bazar joq alańy» jáne «Kóńilashar» jobalarynyń jeńimpazdary kóterińki kóńil kúı syılaıdy. Sonymen qatar kórermendermen ınteraktıvti oıyndar da ótkiziledi.
Kontsert 5 shildede Kongress-Holl sahnasynda ótedi.

***

Aqyndar músháırasy máresine jetti

Jyl saıyn elimizdiń barlyq aımaqtarynan aqyndar elordaǵa jınalyp, sóz sheberliginen saıysqa tústi. Astana kúnine oraı dástúrli músháıra osymen altynshy ret ótkizildi jáne bıylǵy shara Qazaqstan Táýelsizdiginiń 25 jyldyǵyna arnalyp, «Azattyq aıasynda» uranymen uıymdastyryldy.
Aqyndar saıysynda júzge jýyq daryndy qatysýshy baq synady. Olardyń jumystaryn Memlekettik syılyqtyń laýreaty, Qazaqstannyń eńbek sińirgen qaıratkeri Qajyǵalı Muhambetqalıev bastaǵan belgili ádebıet qaıratkerleri, shyǵarmashyl zııaly qaýym ókilderi kirgen qazylar alqasy baǵalady. Tóreshiler tobynyń sheshimimen Ádilbek Ybyraıymulynyń «Astanamen syrlasý» týyndysy baıqaý jeńimpazy atandy. Al «Nurly kósh» týyndysymen Dúken Másimhanuly men «Berdiqoja Bahadúr» eńbegimen Dáýletkereı Kápuly ekinshi oryndy ózara bólisti. Qola úsh birdeı aqynǵa - «Astana» týyndysynyń avtory Baýyrjan Babajanulyna, «Tańǵy tilek» jazǵan Nurolla Saǵatbaevqa jáne «Máńgilik el-máńgilik murat» týyndysymen Áset Amanjolovqa buıyrdy. Budan basqa, Nurlan Qalqa («Týǵan el»), Oljas Qasym («Ǵasyr qasireti»), Erbol Alshynbaı («Bostandyq»), Medet Bojan («Azattyq pen Elbasy»), Arman Sherızat («Bul qazaq») qazylar alqasynyń yntalandyrý syılyqtaryna ıe boldy.
Baıqaýdyń uıymdastyrýshysy - Sáken Seıfýllın murajaıy da arnaıy syılyq taǵaıyndaǵan. Músháıra qorytyndysy boıynsha bul syılyq «Qazaq jeri» týyndysynyń avtory Esengeldi Súıinovqa tabys etildi.
Baıqaý jeńimpazdaryn jáne qatysýshylaryn marapattaý rásimi 1 shildede «Jastar» Saraıynda ótedi.

***

Astana kúni úılený toıy

Elordanyń 18 jyldyǵy júzdegen jas juptyń esinde uzaq saqtalatyn bolady. 5 shildede «Atameken» qorǵan kesheninde olardyń nekeleri saltanatty jaǵdaıda tirkeledi.
Neke tirkeýi Astana kúnin merekeleýmen sáıkes kelgen jas jubaılardyń saltanatty neke qııý rásimi saǵat 12-de bastalady. Qýanysh ıelerin kóptegen syılyqtar kútip tur. Tanymal tulǵalardyń quttyqtaýy, utys oıyndar, foto jáne beıne túsirilim, dámdi taǵamdar, syılyqtar jáne kádesyılar.
Sonymen qatar, jas jubaılar Astananyń estelik kitabyna tilek jazyp, elorda tarıhynda óz izderin qaldyrady.
Sharanyń uıymdastyrýshysy - qalalyq kásipkerlik jáne ónerkásip Basqarmasy.

***

Astananyń tarıhy fotosýretterde

Sýly-jasyl jelekti býlvarda ótetin «Astana Art Fest» qazirgi zaman óneri festıvali sheńberinde elorda ómirindegi basty oqıǵalar týraly syr shertetin «Táýelsizdik jyry - Astana» taqyrybymen fotokórme óz jumysyn bastaıdy.
Qalanyń 18 jyldyǵyna jáne el Táýelsizdiginiń 25 jyldyǵyna arnalǵan kórmeniń ashylýy 4 shilde kúni saǵat 12-de ótedi.
Ekspozıtsııaǵa usynylatyn elordalyq kásibı fotosýretshilerdiń jumystarynan qalanyń kópjyldyq tarıhy, onyń qarqyndy damýy, eleýli saıası jáne mádenı oqıǵalar, biregeı sáýletimen kóz tartatyn jańa ǵımarattardyń qurylysy kórinis tabady.
Týrıster, elorda turǵyndary men qonaqtary fotosýretter arqyly Astananyń qyzý ómiri jáne tańqaldyrarlyq qarqynyn kóre alady.
Kórme 6 shildege deıin jalǵasady. Onda K.Shahov, I.Býrgandınov, V.Fedıýnın, N.Imamov, Sh. Bormanqulova, V.Leşenko sııaqty fotosheberlerdiń týyndylary qoıylady. Kórmeni Astana q. Ákimdiginiń Eskertkishter men tarıhı-mádenı mura nysandaryn saqtaýdy qamtamasyz etý dırektsııasy uıymdastyrǵan.

***

Astanada asyq atýdan «Altyn saqa» jyl saıynǵy týrnıri ótedi

Búgingi kúni ulttyq sport túrlerimen aınalysatyn qazaqstandyqtardyń qatary artyp keledi. Bıyl osymen 8-shi ret ótkiziletin, Astana kúnine arnalǵan asyq atýdan «Altyn saqa» halyqaralyq týrnıri - sonyń bir dáleli.
Týrnırdiń basty maqsaty - ulttyq oıyndy qaıta jańǵyrtý, damytý jáne halyq arasynda keńinen taratý. Buǵan qosa, bul - túrli elderden kelgen komandalarǵa bir-birimen tanysyp, ózara tájirıbe almasýǵa keremet múmkindik. Bıyl «Altyn saqa» týrnıri shildeniń 3-de ótedi. Jarysqa qazaqstandyqtardan basqa, Monǵolııa, Qyrǵyzstan, Tájikstan, Ázerbaıjan, Túrkııa, Qytaı, Reseı komandalary da shaqyrylyp otyr. Eske salsaq, erejege sáıkes, asyq atý saıysyna jasy 16-ǵa jetken kez-kelgen adam qatysyp, kúshin synap kóre alady.
Jarys kórermenderi de qur bos otyrmaıdy. Olarǵa jáne saıysqa qatysýshylarǵa arnap oıyn týraly arnaıy oqý quraldary ázirlengen.
Týrnır «Asyq atý» Respýblıkalyq federatsııasy, elordalyq Dene shynyqtyrý jáne sport Basqarmasy, Astana qalasy Ákimdiginiń «Sporttyq-buqaralyq sharalardy ótkizý Dırektsııasy» MKQK uıymdastyrýymen ótedi.

***

Qydyráli Bolmanovtyń mereıtoılyq kontserti

Elorda kúnine arnalǵan saltanattar men sharalardyń ishindegi aıtýly oqıǵalardyń biri aty ańyzǵa aınalǵan qazaqstandyq "ABK" tobynyń 20 jyldyq mereıtoıyna jáne "Ulytaý" tobynyń 15 jyldyǵyna arnalǵan úlken kontserti bolmaq. Kontsertke belgili qazaqstandyq oryndaýshylar Qydyráli Bolmanov, Qaraqat Ábildına jáne «Ulytaý» etno-rok toby qatysady.
6 shilde kúni «Alaý» muz aıdyn saraıynda kórermender nazaryna erekshe dýman usynylady. Sharaǵa qatysýshylar umytylmas hıt ánder men jańa kompozıtsııalaryn oryndaıdy.
Sonymen qatar, sahna tórinde qazaqstandyqtardyń súıikti ánshileri Tóreǵalı Tóreáli, «MýzArt» toby óner kórsetedi, kesh júrgizýshisi tanymal ázilkesh Tursynbek Qabatov. Budan basqa, Qaraqat mektep-stýdııasynyń jetigen ansambliniń áýeni qonaqtardyń qulaq quryshyn qandyrady.
6 shilde kúni "Alaý" Muz aıdynynda aty ańyzǵa aınalǵan qazaqstandyq "ABK" tobynyń 20 jyldyq mereıtoıyna jáne "Ulytaý" tobynyń 15 jyldyǵyna arnalǵan

***

«Shattyq» jas daryndar festıvali

Elorda kúnine arnalǵan jyl saıynǵy «Shattyq» halyqaralyq jas daryndar festıvali 4 shildede kishkentaı juldyzdarǵa óz esigin aıqara ashady. Sharaǵa qatysýshylar bes kún boıy Ortalyq saıabaqta vokal, horeografııa, aspapta oınaý, sondaı-aq, biregeı janrlar men sán teatry nomınatsııalarynda sheberlik baıqasady.
«Shattyq» jas daryndar festıvali osymen jetinshi ret ótkizilmek. Oǵan Qazaqstannyń barlyq óńirlerinen daryndy balalar, sondaı-aq taıaý jáne qıyr shetelderden: Armenııa, Belarýs, Bolgarııa, Germanııa, Grýzııa, Italııa, Qytaı, Qyrǵyzstan, Latvııa, Lıtva, Moldova, Saha Respýblıkasy, Reseı, Túrkııa, Ózbekstan elderinen jáne t.b. qatysady.
Festıval erejelerine sáıkes, ádil qazylar alqasy baıqaýǵa qatysýshynyń ónerin kem degende úsh janr boıynsha baǵalaıdy. Aıta keteıik, jas ártisterdiń sheberligine óner áleminiń áıgili qaıratkerleri - kompozıtorlar, ánshiler, horeograftar jáne t.b. óz baǵasyn beredi. Qazylar alqasynyń tóraıymy - KSRO halyq ártisi, Memlekettik syılyqtyń laýreaty Bıbıgúl Tólegenova.
Balalardyń shat kúlkisine toly atalmysh merekeniń maqsaty balalardy óz betinshe shyǵarmashylyqpen aınalysýǵa tartý, halyq shyǵarmashylyǵyn damytý, jańa talanttardy anyqtaý, olarǵa járdemdesý, balalarǵa arnap jazatyn kompozıtorlar men aqyndardyń shyǵarmashylyǵyn qoldaý, jańa ádistemelik jáne praktıkalyq aqparatpen almasý, balalar shyǵarmashylyǵynyń oryndaýshylyq deńgeıin arttyrý bolyp tabylady. Festıval mádenıetterdiń ózara aralasý protsesine yqpal etetin ózindik kópir ispetti. «Shattyq» Qazaqstannyń álemdik qoǵamdastyqqa yqpaldastyǵy protsesinde jáne álemdik arenada elimizdiń oń ımıdjin qalyptastyrýda mańyzdy rol atqarady. Sharany ótkizýdiń nátıjesinde jas ánshilerdi, bıshilerdi bedeldi sheteldik festıvalder men konkýrstarǵa aparýdy uıymdastyrý, qazaq mádenıetin shetelderde keńinen nasıhattaý múmkindigi týyp otyr.
«Shattyq» halyqaralyq jas daryndar festıvali osy jyldary elimizdiń mádenı ómirindegi erekshe oqıǵaǵa aınaldy, oǵan qatysý bedelińdi kóteredi. «Shattyq» baıqaýynyń laýreaty ataǵy onyń ıegerine shyǵarmashylyq ómirge joldama berip, Qazaqstannyń jas talanttaryna laıyqty shyǵarmashylyq bastamany qamtamasyz etedi.

***

Halyqtyq karaoke

2016 jyldyń 5-6 shildesinde, «Jastar» Saraıynyń jazǵy alańynda osy jyldyń biregeı oqıǵasy - Astana qalasy Ákiminiń Kýbogyna «Poıýt vse» karaoke boıynsha chempıonatynyń fınaly ótkiziledi. Búginde mýzykalyq joba 16 jastan joǵary 150 daryndy oryndaýshylardyń ótinimderin qabyldady. Qatysam deýshilerdiń barlyǵy, joǵary biliminiń bar-joǵyna qaramastan 2016 jyldyń 15 mamyryndaǵy kastıngtiń irikteýinen ótýge múmkindik aldy.
Kastıngtan ótken daryndy oryndaýshylardy vokal boıynsha tájirıbeli ustazdarmen ótetin trenıngter, juldyzdardyń sheberlik-synyptary jáne basqa da kóptegen qyzyqtar kútýde. Alaıda jeńimpaz bolyp, bas júldeni ıemdený úshin vokalıstterge taǵy eki kezeńnen ótý kerek. Sol eki kezeńniń upaılary qosylyp, eń kóp upaı jınaǵan qatysýshy aqtyq synǵa ótedi.
Chempıonattyń erejesine sáıkes qatysýshylar úsh topqa bólinetin bolady: 16 jastan 30 jasqa deıingi mýzykalyq bilimi barlar, 16 jastan 30 jasqa deıingi mýzykalyq bilimi joqtar, 31 jastan joǵary mýzykalyq bilimi barlar men joqtar.
Sonymen, birinshi jáne ekinshi irikteý kezeńderi 2016 jyldyń 12 men 26 maýsym kúnderi ótkiziledi, al eń basty oqıǵa bolyp esepteletin fınal - 2016 jyldyń 5-6 shildesinde, qala kúnin merekeleý barysynda ótkiziledi. Úsh toptyń da jeńimpazdary «Karaoke chempıony-2016» ataǵy men aqshalaı syılyqqa ıe bolady. Al Astana qalasy Ákiminiń Kýbogyn eń kóp upaı jınaǵan chempıon qanjyǵasyna baılaıdy.
«Poıýt vse!» karaoke boıynsha chempıonat qatysýǵa nıet bildirgenderdi esh bir shekteýsiz qabyldaıtyn Qazaqstandaǵy jalǵyz joba bolyp tabylady. Daryndy vokalıstter - áýesqoılar men kásipqoılar, jandy daýysta, teń jaǵdaıda bas júlde - Astana qalasy Ákiminiń Kýbogyna jarysqa túsedi.
«Poıýt vse!» karaoke boıynsha chempıonat Astana qalasynda alǵash ret 2015 jyly ótkizilgen bolatyn. Eki júzge jýyq ótinim qabyldandy. Chempıonattyń qorytyndysy boıynsha Denıs Nı (31 jastan joǵary qatysýshylar tobynyń chempıony jáne Astana qalasy Ákiminiń Kýbogynyń ıegeri), Nýrlan Týkenov (16 men 30 jas aralyǵyndaǵy mýzykalyq bilimi joq qatysýshylar tobynyń chempıony) jáne Mılana Serıkova (16 men 30 jas aralyǵyndaǵy mýzykalyq bilimi bar qatysýshylar tobynyń jeńimpazy) úzdik atandy. Bul is-shara «halyqtyq» ataý ıelendi. Qonaqtar men chempıonatqa qatysýshylardyń, sondaı-aq kórermenderdiń aıtýy boıynsha, «halyqtan shyqqan ártisterdiń» oıynsha olar kóńildi ándermen barshany qýantty. Kórermender qatysýshylarmen birge yńyldap úılerinde aıtyp júretin, karaoke klýbtary nemese jumys ýaqytynda oryndaıtyn súıikti kompozıtsııalaryn qosylyp birge shyrqady.

RF halyq ártisi, joba avtory men tanymal ujymnyń jetekshisi Mıhaıl Týretskııdiń aıtýynsha, ártister kóptegen jyldan beri Qazaqstanmen tyǵyz baılanysty. Sońǵy 15 jylda atalmysh ujym elimizdiń kóptegen aıtýly sharalaryna atsalysqan. Halyq karaokesiniń ıdeıasy da birlik pen baýyrlastyqty sezinýge negizdeledi.
Aıta keteıik, bıyl Týretskıı hory halyq karaokesin elimizdiń tórt qalasynda ótkizip úlgerdi: Almaty, Qaraǵandy, Óskemen jáne Shymkentte. Ártister Reseıde erekshe jetistikke qol jetkizgen soń jańa jobany Qazaqstanda da tanystyrmaq.
Astanadaǵy án merekesiniń repertýarlyq baǵdarlamasynda birneshe erekshelik bolady. Týretskıı horynyń ujymy qazaq tilindegi ánderdi, sondaı-aq tanymal mýzykant Batyrhan Shúkenovtyń repertýarynan kompozıtsııalar oryndaıdy.
Halyq aktsııasyna nıet bildirgenderdiń barlyǵy qatysa alady, bastalýy saǵat 21.00-de.

***

«Eńsesi bıik Elorda» merekelik sharasy

 «Atameken» Qazaqstan kartasy» etno-memorıaldyq kesheni Elorda kúnine oraı qala turǵyndary men qonaqtary úshin «Eńsesi bıik Elorda» merekelik sharasyn daıyndaý ústinde. Shildeniń 1-i kúni tańǵy saǵat 11-de keshende elimizdiń Táýelsizdiginiń 25 jyldyǵyna oraı túrli oıyn-saýyqtar, jarystar men syılyqtar utysy ótkiziledi. Barlyq is-sharalar óskeleń urpaqtyń boıynda patrıottyq sezimdi tárbıeleýge, egemendi Qazaqstannyń berik qundylyqtaryn saqtaýǵa baǵyttalady.
Shara sońynda qonaqtar merekelik kontserttik baǵdarlama, flesh-mob tamashalaıdy jáne keshen boıynsha ótkiziletin ekskýrsııaǵa qatysady. Merekelik shara baıqaýlar men jarystarǵa qatysqan belsendilerdi marapattaý saltanatymen aıaqtalady.

***

«Aıalaǵan Astana» IV respýblıkalyq pop-oryndaýshylardyń televızııalyq balalar baıqaýy

«Aıalaǵan Astana» balalar baıqaýy Astana qalasy ákimdigi men tanymal reseılik «ARS» kompanııasymen uıymdastyrylǵan. Konkýrsqa «Nur Otan» partııasy men «Qazaqstan» Ulttyq telearnasy qoldaý kórsetýde. Baıqaýdyń basty maqsaty respýblıka boıynsha jas daryndy ánshilerdi taýyp, olardyń ónerin barsha halyqqa tanystyrý. Іrikteý kezeńiniń qortyndysy boıynsha 12 fınalıst iriktelip, jazǵy demalys ýaqytynda Astanaǵa kelip, elordany tamashalaý múmkindigine ıe bolady, ári án aıtý, akterlik sheberlik, horeografııa jáne naǵyz kásibı orkestrmen án salý sheberlikterine úırenedi. Al baıqaýdyń aqtyq máresi «Qazaqstan» Ulttyq arnasynyń efırinde kórsetiledi. Bıylǵy baıqaý Qazaqstan Respýblıkasy táýelsizdiginiń 25-jyldyq mereıtoıyna arnalady. 
«Aıalaǵan Astana» baıqaýynyń jeńimpazy Qazaqstan namysyn Halyqaralyq «Detskaıa Novaıa volna» - 2016 baıqaýynda qorǵaıtyn bolady. Ótken úsh jylda bul saıysqa «Aıalaǵan Astana» baıqaýynyń jeńimpazdary kókshetaýlyq Bolat Batyrbaev, astanalyq Muhammedáli Júginisov jáne almatylyq Danelııa Tóleshova qatysqan bolatyn. 2013 jyly Bolat Batyrbaev baıqaýdyń eń stıldi ánshisi atalsa, 2014 jyly Muhammedáli Qazaqstanǵa alǵashqy laýreattyq ataq alyp keldi, ol konkýrstyń 3-shi júldesin ıemdendi. Al Danelııa Tóleshova - Kórermender kózaıymy arnaıy syılyǵyna ıe boldy. Bıylǵy «Aıalaǵan Astana» baıqaýynyń qortyndysy qalaı bolatynyn ýaqyt kórseter. 

***

Tsırk óneri: sıqyrlyq pen shynaıylyq sheginde

«Azııa jańǵyryǵy» IX Halyqaralyq tsırk óneri festıvali bıyl shildeniń 2-si men 7-si aralyǵynda ótedi. Eń qyzyq ári jumbaq óner aptalyǵy barsha álemge Qazaqstannyń biregeı, mádenı-tarıhı jáne zamanaýı, shyǵarmashylyq ordasy - Astana týraly jarııa etpek.
Ár adam óz ornyn taýyp, shyǵarmashylyqqa aralasa alatyndaı birikken áralýandylyq, mánerlilik - aldaǵy oqıǵanyń jalpy tujyrymdamasy osyndaı.
Bıylǵy festıval memleketimizdiń Táýelsizdiginiń 25 jyldyǵyna arnalady jáne úzdik dástúrler men baǵyttardy saqtaýǵa jáne keńinen taratýǵa, álemdik tsırk óneriniń basty jetistikterin dáripteýge baǵyttalady.
Osy jyldar ishinde «Azııa jańǵyryǵy» festıvali tsırk áleminde ózindik brendke aınaldy jáne kórkemdik, uıymdastyrýshylyq jáne tehnıkalyq jaǵynan joǵary deńgeıde ótkiziletin mańyzdy shara bolyp tabylady.
Munymen qosa, festıval aıasynda barsha álemge túrli janrlar boıynsha jańa jas, daryndy ártisterdiń: saıqymazaqtar men akrobattardyń, jonglerler men ekvılıbrıstterdiń, gımnasttardyń, sıqyrshylar men ańdardy úıretýshilerdiń esimderi belgili bolady.
Ústimizdegi jyly tsırk óneri marafonyna álemniń 8 memleketinen kelgen ártister qatysady. Belorýssııa, Gollandııa, Qazaqstan, Qyrǵyzstan, Monǵolııa, Reseı, Túrkmenstan jáne Efıopııa elderiniń dúnıejúzilik festıvalderdiń júldegerleri men laýreattary, óz janrlaryndaǵy has sheberler, tsırk ónerindegi áýletterdiń urpaqtary ózderiniń vırtýozdyq kórsetilimderin qonaqtar nazaryna usynatyn bolady. Ártisterdiń kóbi elordalyq tsırk kúmbeziniń astynda alǵash ret óner kórsetetin bolady.

***

«Serper» - halyq aspaptar orkestrleriniń mýzykalyq festıvali

2016 jyldyń 4-6 shilde aralyǵynda Qazaqstan Respýblıkasy Táýelsizdiginiń 25 jyldyǵy aıasynda Astana kúnine oraı VI «Serper» halyq aspaptar orkestrleriniń mýzykalyq festıvali ótedi. «Serper» halyq aspaptar festıvali erekshe oryn alyp, dástúrli merekelik kóńil-kúı syılaıdy.
Ejelden beri qazaq ulty daryndylyǵymen daralanǵan el. Sondyqtan halyq ánderi, kúıleri men shyǵarmalarynyń úlken tarıhy árbir qazaqstandyqqa qoljetimdi bolýy qajet. Qazaqstannyń túkpir-túkpirinen ǵana emes, sonymen qatar Reseıden keletin ujymdardyń festıvalin Astana qalasy ákimdigi Memlekettik akademııalyq fılarmonııasynyń qazaq orkestri bastaıdy. Orkestrdiń bas dırıjery jáne kórkemdik jetekshisi - QR eńbek sińirgen qaıratkeri, professor Aıtqalı Jaıymov.
Festıvaldiń ashylýy 4 shilde kúni saǵat 17:00 qalalyq alańda ótedi. 5 shilde kúni «Stýdentter» jáne «Araı» saıabaqtarynda festıval qonaqtary kontserttik baǵdarlama uıymdastyrady. Turmaǵambet atyndaǵy halyq aspaptar orkestri, Qyzylorda qalasy, K.Kúmisbekov atyndaǵy Aqmola oblystyq fılarmonııasynyń qazaq halyq aspaptar orkestri, Kókshetaý qalasy, Abyl Taraquly atyndaǵy qazaq halyq aspaptar orkestri, Aqtaý qalasy jáne Baıjigit atyndaǵy halyq aspaptar orkestri, Óskemen qalasynyń daryndary óz ónerin pash etedi. Sondaı-aq Bashqurtstan Respýblıkasynyń ulttyq halyq aspaptar orkestri (RF) jáne Omsk qalasynyń «Lad» orys kameralyq orkestri (RF) óner kórsetedi. Qazaqstan Respýblıkasy Táýelsizdiginiń 25 jyldyǵyna arnalǵan VI «Serper» halyq aspaptar orkestrleri mýzykalyq festıvaliniń gala-kontserti 6 shilde kúni qalalyq alańda ótedi. 7 orkestrden quralǵan 300-ge jýyq mýzykant alyp bir orkestr retinde, «Serperden» «Saryarqaǵa» deıin eń úzdik kúılerdi oryndaıtyn bolady.

***

Poezııa áleminiń merekesi.

Uly Abaı eskertkishi alańynda jyl saıyn ótetin «Kitap jáne poezııa merekesi» qala kúni qarsańynda toılanatyn ataýly merekelerdiń birine aınaldy. Osy jyly bul mereke «Uly dala, uly murat, urpaq bolashaǵy, egemendi, turaqty, birtutas, táýelsiz - Qazaqstan!» - dep atalady. Oqyrmandardyń kózaıymyna aınalǵan bul is-shara, búgingi jas urpaqtyń qyzyǵýshylyǵyn týdyryp, kitapqa degen súıispenshiligin arttyrdy.
Merekelik is-shara barysynda kórermender «Abaıdyń rýhy» atty qoıylymdy tamashalap, «Alty alashtyń arysy - Álıhan Bókeıhan» oqýlyǵymen tanysyp, «Jyrlaıdy júrek» ádebı - mýzykalyq kompozıtsııasyn tyńdaı alady. Sondaı-aq, «Ádebıet áleminiń maqtanyshtary» ádebı-poetıkalyq kórmesimen «Vremıa chıtat» jarnamalyq naýqanyna, san alýan kitap dúkenderi usynǵan jármeńkege qatysa alady.
Kitap jáne poezııa merekesi shildeniń 4-juldyzynda Abaı eskertkishi alańynda saǵat 11: 00 ótedi.

***

Ejelgi kóshpeliler aýyly

«Astana myńjyldyqtar toǵysynda» kóshpeliler órkenıeti jyl saıynǵy festıvalinde elorda turǵyndary men qonaqtary Uly dala kóshpelileriniń ómirin óz kózimen kórip, olardyń mádenıetimen, turmysymen tanysa alady. Sondaı-aq qurmetti meımandar túrli oıyn-saýyq sharalaryn tamashalap, óz qoldarymen kıiz úı tigedi jáne ózge de sharalarǵa qatysa alady. Ádettegideı, 3-6 shilde aralyǵynda «Han Shatyr» saýda, oıyn-saýyq ortalyǵy janyndaǵy alańda naǵyz kóshpeliler aýyly oryn tebedi.
Mereke kúnderi etnoaýyl tańǵy saǵat 11-den keshki saǵat 22:30 deıin ashyq bolady.
Jyl saıyn festıvalge 300-den astam qonaq keledi. Atalmysh biregeı kópjanrlyq joba qazaq halqynyń etıkalyq, estetıkalyq jáne rýhanı qundylyqtarynyń qalyptasýyna eleýli yqpal etken eýrazııalyq kóshpelilerdiń ómir súrý salty men erekshelikterin kórsetedi. Merekeniń mýzykalyq bezendirilýine erekshe toqtala ketkenimiz jón. Dástúrli mýzyka kontsertteri ata-babalarymyzdyń óshpes mýzykalyq murasynyń qupııasyn ashady. Festıval baǵdarlamasynda tanymal aqyndardyń aıtysy ótedi.
Etnoaýyldyń oıyn-saýyq baǵdarlamasy men ınstallıatsııasyna dala jigitteri men han ordasy batyrlarynyń ómiri týraly syr shertetin «At jalynda» at-sporttyq shoý kiredi.
Kóshpeliler aýylynda eresekterge de, balalarǵa da ermek tabylatynyna senimdimiz. Mysaly, «Meniń kishkentaı kıiz úıim» sheberlik dárisinde barlyq salt-dástúrdi saqtap óz qolyńyzben naǵyz kıiz úı qurastyratyn bolasyz. Al balalar bir kezderi arǵy atalary ermek etken kıiz oıynshyqtarmen arnaıy alańda oınaıdy.
Sonymen qatar, festıvaldiń taǵy da bir alańynda ejelgi qoldanbaly óner sheberleriniń dástúrli jármeńkesi ótkiziledi, onda biregeı ónimderdi - áshekeılerdi, turmystyq zattardy jasaý barysyn tamashalap qana qoımaı, sondaı-aq, ony estelikke satyp alýǵa da bolady.
Tosyn syılar munymen shektelmeıdi, qonaqtar úshin kóshpeliler mýzeıi esigin aıqara ashady, kóshpeliler tsırki óner kórsetip, «Altyn saqa» sporttyq jarysy uıymdastyrylady.

***

«Ázil-FEST - 2016» sharasy kóterińki kóńil kúı syılaıdy

Elordaǵa ázil tolqyny soǵady. Astana kúnin merekeleýge oraı 2 shildede «Ázil-FEST - 2016» jyl saıynǵy ázilkeshter festıvali qala turǵyndary men qonaqtaryna jaqsy kóńil kúı syılaıdy.
Bul kúni elimizdiń jáne taıaý sheteldik ázilkeshter Kongress-Holl sahnasynda sheberlikterin synǵa salady. Sharaǵa qatysatyn qonaqtar - «Dagestan» Mahachkala q., «Bortsy» Sýrgýt q. komandalary, KVN Joǵary lıgasynyń fınalısteri - elordalyq «Sparta» komandasy, «Orystar shoý» jobasy Almaty q. Sahna tórinde sondaı-aq, «Patrýl», «Výzery» tanymal teleserıaldarynyń, «Qyzyq times» shoýynyń keıipkerleri de óz ónerlerin pash etedi.
Sharanyń formaty boıynsha árbir qatysýshy 15-20 mınýt boıy óner kórsetedi.
Kesh júrgizýshileri «AstanaKZ» KVN komandy men «Lıtsa Stolıtsy» TV-shoý akterlary qonaqtarmen qyzyqty ázilderimen bólisedi.
Ázil merekesi elordada Astana ákimdiginiń qoldaýymen ótedi.

***

«Astana-Arqaý» túrki mýzykasynyń festıvali - tarıh tereńinen jetken saz

Astanada Qala kúnine oraı kópshilik jylda asyǵa kútetin mádenı shara «Astana-Arqaý» túrki mýzykasynyń festıvali ótedi. Shildeniń 4-6 aralyǵynda osynaý biregeı alań túrki mádenıetin joǵary baǵalaıtyn jandar men saf ónerdi keńinen nasıhattaıtyn eń úzdik oryndaýshylardyń basyn qosady.
Joba baýyrlas halyqtardyń baı mýzykalyq murasyn nasıhattaýǵa, kóne áýenderdi oryndaýdyń úzdik dástúrlerin pash etýge baǵyttalǵan. 9 jylda festıvalge 500-den asa tanymal mýzykanttar men zertteýshiler qatysqan. Atap óterligi, túrki áleminiń damýyna eleýli úles qosqany úshin «Astana-Arqaý» jobasy «Qyzyl alma» bedeldi halyqaralyq marapatymen marapattalǵan.
Ótken jyldardaǵydaı festıval qonaqtary túrki halyqtarynyń óte sırek ekzotıkalyq ulttyq aspaptarynyń ǵajaıyp sazyn tyńdaýǵa múmkindik alady. Bıylǵy jyly baǵdarlamada Astanada óz mádenıetin alǵash ret tanystyratyn birneshe túrki halyqtarynyń ókilderi óner kórsetedi dep josparlanǵan.
Sonymen qatar, festıvalge qatysýshylar qazirgi zamanǵy Qazaqstannyń jańasha tarıhymen tanysýǵa múmkindik alady. Mýzykalyq sharanyń basty taqyryby el Táýelsizdiginiń 25 jyldyǵy bolmaq.
Festıvaldiń alǵashqy eki kúni shildeniń 4-5 aralyǵynda «Astana Opera» teatrynyń Kameralyq zalynda ótedi. Kontserttik baǵdarlama saǵat 19:00 bastalady. Festıvaldiń saltanatty jabylýy jáne barlyq qatysýshylardyń óner kórsetýi 6 shildede saǵat 18:00-de «Han Shatyr» saýda, oıyn-saýyq ortalyǵynyń mańynda qurylatyn «Astana myńjyldyqtar toǵysynda» jobasynyń alańynda ótedi.

***

Jańa ómir tynysy, jańa múmkindikter men jańa lıga!

Kóńildiler men tapqyrlar arasyndaǵy «Kóńildi tapqyrlar alańy» Qazaqstan chempıonaty bıyl osyndaı uranmen ótedi. 7 shilde kúni Beıbitshilik jáne kelisim saraıynda elimizdiń úzdik KTK komandalary sheberlikterin synǵa salady.
Qala ákimdiginiń qoldaýymen elimizdiń túkpir-túkpirinen kelgen jastar «Astana qalasynyń kóńildi tapqyrlar teatry» MQKK bas qosady.
Jańa jobanyń avtory ári jetekshisi QR Eńbek sińirgen qaıratkeri Tursynbek Qabatov. Aıta keteıik, T. Qabatov ádil qazylar alqasynyń quramyna da kirdi. Sonymen qatar, Aıgúl Imanbaeva, Meırambek Bespaev jáne Búrkit te kóńildiler men tapqyrlardyń sheberligin baǵalaıtyn bolady.
Elordalyq kóńildiler men tapqyrlar teatrynyń akteri, tanymal syqaqshy Qanat Áljapbarov pen teatrdyń redaktory, stsenarıst Baıandy Saharııa baǵdarlamany júrgizip, keshtiń sánin keltiretin bolady. Kesh qonaqtaryn ótkir qaljyń men ádemi ázil, qatysýshylardyń tapqyrlyǵy men aıryqsha oıyny kútip tur.
Belgilengen erejege sáıkes, oıyndar túrli janrlarda ótkiziledi. Bul rette árbir baǵdarlama boıynsha úzdik úshtikke altyn, kúmis jáne qola kýboktar tabystalady. 10 baǵdarlamanyń qorytyndysy boıynsha eń kóp upaı (kýbok) jınaǵan 4 komanda aqtyq synǵa joldama alyp, 4 janrda básekege túsetin bolady.

***

Álemdik týrne aıasynda Olımpıada chempıony Evgenıı Plıýşenko Astanada óner kórsetedi

Astanada Andersenniń «Qar patshaıymy» ertegisiniń jelisi boıynsha «Snejnyı korol-2. Vozvraşenıe» (Qar patshasy-2. Oralý) muz shoýy kórsetiledi. Shoý aıasynda «Qazaqstan» sport saraıynyń muz aıdynynda álemniń úzdik mánerlep syrǵanaýshylary óner kórsetedi, atap aıtqanda, Evgenıı Plıýşenko, Irına Slýtskaıa, Brıan Jýber, Tomash Verner, Fıona Zaldýa men Dmıtrıı Sýhanov, sondaı-aq, Sergeı ıAkımenko men Irına Ýsenko, Ekaterına jáne Aleksandr Chestny.
Atalmysh juldyzdy top kópshilik nazaryna usynatyn ertegide Gerda (Irına Slýtskaıa) Qar patshasy (Evgenıı Plıýşenko) men jaýyz trolldermen arpalysady. Kórermender mánerlep syrǵanaý elementteri, tsırk qoıylymdarymen ıllıýzııalar shoýy engen ǵajaıyp baǵdarlamany tamashalaıdy. Sonymen qatar, shara barysynda qonaqtar áýe gımnasttary oryndaǵan kúrdeli trıýkterdi kóre alady.
Evgenıı Plıýşenko Astanada 4-6 shilde aralyǵynda óner kórsetedi. Muz aıdynyndaǵy ǵajaıyp dýman eresekter úshin de, balalar úshin de qyzyqty bolatyny haq.
Aıta keteıik, álemdik shoýdyń premerasy Máskeýde ótti. Aty ańyzǵa aınalǵan mánerlep syrǵanaýshylardyń qatysýymen ótetin qoıylymdy Sankt-Peterbýrg pen Sochı turǵyndary men qonaqtary da tamashalap úlgerdi. Aldaǵy ýaqytta Evgenıı Plıýşenko bastaǵan komanda AQSh, Fınlıandııa, Frantsııa, Shvetsııa, Ońtústik Koreıa jáne Japonııa memleketterine sapar shekpek.

***

ELLE STYLE AWARDS fashion-syılyǵy

Astanada tuńǵysh ret Elorda kúnine oraı sán álemindegi eń tanymal basylymdardyń biri Elle jýrnalynyń feshn-ındýstrııasy salasyndaǵy alǵashqy jyl saıynǵy «Elle Style Awards Kazakhstan» syılyǵy tabystalady.
Sán ındýstrııasyn damytýǵa qosqan úlesi úshin marapattaý saltanaty 3 shildede Beıbitshilik jáne kelisim saraıynda ótedi, sondaı-aq, sharaǵa úzdik kýtıýreler men sán áleminiń ókilderi, sport, televıdenıe, kıno men mýzyka salasyndaǵy juldyzdar, jáne t.b. elimizdiń tanymal tulǵalary qatysady.
Syılyq dızaıner/turaqty jetistik, jańa esim/sán, jańa esim/mádenıet, model, fotograf, kıno aktrısasy/akteri nomınatsııalarynda tabystalady. Úzdik telejuldyzdar, ánshiler, erler men áıelder toby, otbasylyq jup, jyl jobasy jáne start-up músinshelerge ıe bolady.
Telekórermender marapattaý saltanatyn «Habar» telearnasynyń efırinen tamashalaı alady.

 ***

«Baǵanaly ordam - basty ordam» aıtysy

Elordada 5 shildede dástúrli respýblıkalyq aqyndar aıtysy ótedi. Bıyl ol «Baǵanaly ordam - basty ordam» taqyrybyna arnalmaq. Sýyryp-salma aqyndar jarysy birden eki ataýly dataǵa - QR táýelsizdiginiń 25 jyldyǵy men Elorda kúnine oraılastyrylyp otyr.
Shara barysynda úzdik qazaqstandyq jáne sheteldik aıtyskerler sóz jarystyrady. Sahna tórinde jańa bastap otyrǵan, sondaı-aq, osy kúnge deıin kórermenniń kózaıymyna aınalǵan Erkebulan Qaınazarov, Sara Toqtamysova, Aıbek Qalıev, Jansaıa Mýsına syndy ártister óz ónerlerin ortaǵa salady.
Bıyl olar Qazaqstannyń basty qundylyqtary, baılyǵy men jetistikterin, sondaı-aq, Arý qala Astanany aıtys sózderine jeli etedi. Aqyndar jalpy adamzattyq qundylyqtar, otanǵa degen súıispenshilik, patrıotızm, toleranttylyq, kópultty memlekettiń baǵa jetpes birligin jáne urpaqtan-urpaqqa berilip otyratyn ata-babamyzdyń qasıetti murasyn jyrǵa qosady.

***

«Arqaıym - Kúnniń qalasy»

Qazirgi zamanǵy tehnologııalardyń kómegimen kórermenderdi beımálim bolashaqqa jeteler, ejelgi ótkenimizge sapar shektirý syndy ǵajaıyptardy jasaýǵa bolady. Elorda turǵyndary men qonaqtary osy aıtqanymyzǵa jaqyn ýaqytta kýá bola alady.
Elorda kúnin merekeleý aıasynda «Qazaq Eli» monýmentiniń aldyndaǵy alańda «Arqaıym - kúnniń qalasy» 3D ınteraktıvti oıyn-saýyqtar qalasy oryn tebedi.
Oıyn-saýyq aımaqtaryna bólingen atalmysh biregeı keshende eń úzdik ınnovatsııalyq jetistikter men ejelgi zamandaǵy Uly dalanyń turmysy úılesim tabady. Ony jasaý barysynda barsha álem moıyndaǵan jáne America's Got Talent, «Talant shoý» jáne t.b. aýqymdy jobalarǵa qatysatyn úzdik shoý-tehnologııalar qoldanylady.
Qalashyq 4 aımaqtan turady. Birinshisi, golografııalyq teatr, onda Aısha bıbi men Qarahan batyrdyń kirshiksiz mahabbaty jaıly áńgimelenedi. «Uly dala jetistikteri» mýltımedııalyq galereıasynda keńistikte jan bitken ata-babalarymyz qoldan jasaǵan ejelgi eksponattardy kórýge bolady. Júzdegen jyl buryn Shyǵys Qazaqstanda tabylǵan alǵashqy «Aq baýyr» observatorııasymen «Ashyq ǵaryshqa saıahat. Astana» proektsııalyq teatrynda tanysa alasyzdar. Qonaqtar juldyzdardyń kóshpeli halyqtyń turmysyndaǵy mán-maǵynasy, alǵashqy qazaqstandyq ǵaryshkerler týraly bilip, Astanadan ashyq ǵaryshqa sapar shegedi. Eń sońǵy, tórtinshi aımaq - «Welcome to Astana city!» kontserttik, oıyn-saýyq alańy, munda árlengen jáne jańadan túsindirilgen etnıkalyq mýzyka oryndalady. Budan basqa, qalashyqta taqyryptyq ınteraktıvti aımaqtar da jasalady. Anımatorlardyń etno-fýtýrıstik kostıýmderi, osy stıldegi ádetten tys kádesyılar shaharda erekshe atmosfera ornatpaq. «Arqaıym - Kúnniń qalasy» qalashyǵy 5-6 shilde aralyǵynda saǵat 10.00 - 21.00 ashyq bolady.

***

Brodveılik sán-saltanat - elordalyq sahnada

Horeograf Pol Emerson bastaǵan úzdik amerıkandyq bı kompanııalarynyń biri elorda turǵyndary men qonaqtarynyń nazaryna erekshe mýzyka men naǵyz brodveılik mıýzıkl usynatyn bolady. Elorda kúnin merekeleý aıasynda jáne Qazaqstan Respýblıkasy men Amerıka Qurama Shtattarynyń arasyndaǵy yntymaqtastyqtyń ornaǵanyna 25 jyl tolýyna oraı Broadway Bound keshteri ótkiziledi.
Mıýzıkl baǵdarlamasynda West Side Story-den Cool, Wicked-ten Singing in the Rain jáne Defying , A Chorus Line-nan One jáne t.b. amerıkandyq ánder men bıler oryndalady.
Áserli dýmanǵa otandyq ártister de qatysady. Amerıkandyq qonaqtardyń seriktesteri - Amıkaela Gaston, Frenk Martın, Geıvın Stıýart, Vanessa Oýen, Katrın Pılkıngton, sahnada kem degende 50 daryndy qazaqstandyq bıshi óz ónerin ortaǵa salady.
Brodveılik mıýzıkl keshteri 4 shildede saǵat 21.00 «Báıterek» monýmentiniń aldyndaǵy alańda, sondaı-aq, 6 shildede saǵat 17.00 Beıbitshilik jáne kelisim saraıynda ótedi.

***

Kók aspandaǵy mereke

Astana kúnine oraı elorda aspany erekshe túrge enedi. 4-6 shildede qala turǵyndary men qonaqtary «Astana Aspany» halyqaralyq sharlar men batpyraýyqtar festıvalin tamashalaı alady. Kók aspanda aıdaharlar, jylandar, túrli janýarlar qalyqtaıdy. Osy kúnderi Esil ózeniniń jaǵalaýy merekelik saýyq-saıran ortalyǵyna aınalady.
Úsh kún boıy qatarynan Eýrazııadaǵy eń iri batpyraýyqtar festıvali qala turǵyndary men qonaqtaryna, úlken kishiniń bárine jarqyn qoıylymdar, horeografııalyq shoý men kóterińki kóńil kúı syılaıdy. Bıylǵy jyl erekshe bolmaq. Merekege qatysýshylar ataqty ushqyshtar men dızaıner-konstrýktorlardyń sheberligin tamashalaıdy, shara arnaıy shaqyrylǵan dı-djeılerdiń shabytty mýzykasynyń súıemeldeýimen ótedi.
Mysaly, ótken jyldary Ramlal Tıen, Frantsııadan Frederık Rıke men Roje Tessa-Gambassı, Germanııadan Rolf Tsımmerman, Folker Hoberg, Kırsten Zaýer men Tomas Iekel, Avstrııadan Anna Rýbın, Ulybrıtanııadan Derek Kýn, Sıngapýrden Aırın Teo men Djon Tan, Ispanııadan Los Hermanos Show Kites atynan Pedro Gonsales pen Mistral men Vortex ushqyshtar toby, sondaı-aq, reseılik Prokite klýby syndy áıgili batpyraýyq jasaýshylar óz «dostaryn» festıvalge ákelgen bolatyn. Bul kúnderi alyp jáne shaǵyn fıgýralardy aspanǵa ushyrý úshin jáne sharany tamashalaýǵa 15 myńǵa jýyq qonaq keledi dep kútilýde.

 ***

«Astana shattyq» - baqyt pen mýzyka kerýeni

Ádettegideı Elorda kúni tutastaı qala boıynsha atalyp ótedi. Túrli saltanatty sharalar, festıvaldar men kórermenniń kóńilin kóteretin kontsertter uıymdastyrylady. Astana qalasynyń turǵyn alaptarynda da merekelik kóńil kúı ornaıdy. Dástúr boıynsha bul kúnderi «Astana shattyq» shyǵarmashylyq avtokerýeni jolǵa shyǵady. Bıyl avtokerýen qala aýdandaryn jetinshi ret aralaıdy. Tanymal otandyq estrada juldyzdarynyń, bı ujymdarynyń, aspapty ansamblderdiń, elordalyq toptar men ártisterdiń qatysýymen ótetin úsh saǵattyq kóshpeli kontsertter jergilikti turǵyndarǵa erekshe merekelik atmosfera syılaıdy.
Festıval eresekterdiń de, balalardyń da kóńilinen shyǵady. Uıymdastyrýshylar kishkentaı astanalyqtarǵa arnap kóptegen tosyn syı ázirlep, vıktorınalar men baıqaýlar ótkizedi.
4-6 shilde aralyǵynda avtokerýen elordanyń úsh aýdanynda da bolyp úlgeredi. Bul kúnderi ártister saǵat 14.30 - 21.00 aralyǵynda sahna tórinde óz ónerlerin ortaǵa salatyn bolady. Sońǵy kúni merekelik shara qalanyń Ortalyq alańynda Gala-kontsertpen aıaqtalady.

*Sholýdy daıyndaý úshin materıaldar https://astana.gov.kz/kk/ jáne https://www.astanaday.kz/kk/ saıttarynan alyndy