Astana kúni qurmetine jambyldyq 800 otbasy páter aldy
TARAZ. QazAqparat - Elorda merekesi qarsańynda Jambyl oblysynyń ákimi Kárim Kókirekbaev jańa turǵyn úı alqabynan páter kiltterin tabys etti, dep habarlady «QazAqparat» HAA tilshisi.
«2020 jylǵa deıin óńirlerdi damytý» baǵdarlamasy aıasynda alty 80 páterlik úı salyndy. Qonys toıyn jas otbasylar, jalǵyz basty analar, jetim balalar, kóp balaly otbasylar, áskerı qyzmetshiler, bıýdjettik uıym qyzmetkerleri, memlekettik qyzmetshiler, sondaı-aq Turǵyn úı jınaq banki salymshylary atap ótedi.
Búginde memlekettik qordan turǵyn úı alýǵa 13 990 adam kezekte tur. Aǵymdaǵy jyly «Araı» shaǵynaýdanyndaǵy eki úıdiń qurylysyn, 2018 jyly - «Qarasý» turǵyn úı alabyndaǵy bir úıdiń qurylysyn aıaqtaý josparlanýda. Sondaı-aq 37 kóp qabatty turǵyn úıdiń jobalaý-smetalyq qujattamasy ázirlenýde.
«Bıyl turǵyn úı qoljetimdiligin arttyrý úshin 15 jyl merzimge «Nurly jer» baǵdarlamasy qabyldandy. Baǵdarlama aıasynda 14-shi shaǵynaýdannan jáne «Taraz sıtı» turǵyn úı kesheninen ǵımarat jobalary ázirlendi», - dedi óńir basshysy Kárim Kókirekbaev.
