Astana kúni KІІD jeke quramy kúsheıtilgen tártipke kóshedi
ASTANA. 4 shilde. QazAqparat - Astana qalasynyń týǵan kúni toılanatyn kúnderi Kóliktegi ishki ister departamentiniń jeke quramy kúsheıtilgen tártipte qyzmet atqarady, dep habarlaıdy ІІD baspasóz qyzmeti.
Elordamyzdyń qaqpasy bolyp sanalatyn Astana halyqaralyq áýejaıy men Astananyń temirjol vokzaly arqyly qala kúnine keletin sheteldik jáne respýblıkamyzdyń túkpir-túkpirinen aǵylyp jatqan resmı delegatsııalar men qala qonaqtarynyń qaýipsizdigin qamtamasyz etý kóliktegi polıtseılerdiń mindeti ekenin bireý bilse, bireý bilmes.
Osy ýaqyt ishinde kólik polıtseıleriniń túrli qyzmetterinen quralǵan jedel toptar qoǵamdyq qaýipsizdikti jáne azamattardyń tynyshtyǵyn qorǵaý maqsatynda qoldan kelgen sharalardyń barlyǵyn atqarady. Jalpy alǵanda mereke kúnderi KІІD eki júzden astam qyzmetkeri kezekshilikte bolady.
Kóliktegi ishki ister departamenti bastyǵynyń orynbasary polıtsııa polkovnıgi Marat Jeksenbekovtyń aıtýynsha, temirjol aýmaǵy - qaýipti aımaq. Temirjol boıynda bolatyn túrli keleńsizdikterdiń aldyn alý, ony boldyrmaý - bizdiń mindetimiz. Tynyshtyqpen baǵalanatyn bizdiń qyzmet túri aýyr ári onyń aýqymy keń. Búginde Qazaqstannyń kóliktegi ishki ister qyzmeti mańyzy zor salaǵa aınalyp otyr. Ol jolaýshylar tasymalymen ǵana shektelip qoımaı, kóliktegi qoǵamdyq, jeke, múliktik qaýipsizdikti saqtaýda mańyzdy ister atqarady. «Sondyqtan da bizge artylar jaýapkershiliktiń zor ekenin jaqsy bilemiz. Aldaǵy ýaqytta, elordamyzdyń týǵan kúninde bizdiń mekeme qyzmetkerleri úlgili qyzmetimen kórinip, elimizdiń qarqyndy damýyna, azamattar men elorda qonaqtarynyń qaýipsizdigin qamtamasyz etýge súbeli úlesin qosatynyna nyq senimdimin», - deıdi polıtsııa polkovnıgi.
