Astana kúni qarsańyndaǵy shahmat dodasy ótti
ASTANA. Maýsymnyń 28-i. QazAqparat - Táýelsiz Qazaqstan tarıhynda tuńǵysh ret L.Gýmılov atyndaǵy Eýrazııa ulttyq ýnıversıtetiniń sport kesheniniń bazasynda Ýkraınanyń Qazaqstandaǵy elshiliginiń bastamasymen dıplomatııalyq ókildikterdiń komandalary arasynda jedel shahmattan halyqaralyq týrnır ótti. Ol Ýkraınanyń Konstıtýtsııasy kúnine jáne Ýkraına Joǵarǵy Radasynyń Respýblıka táýelsizdigi týraly deklaratsııanyń jarııalaǵanyna 20 jyl tolý qurmetine arnaldy, dep habarlaıdy Májilistiń baspasóz qyzmeti..
Týrnırdi uıymdastyryp otyrǵan Ýkraınanyń Qazaqstandaǵy Tótenshe jáne Ókiletti elshisi Nıkolaı Selıvon jarysty ashyp, jınalǵandardy kele jatqan merekemen quttyqtap, QR Prezıdent Ákimshiligi, Parlament Senaty men Májilisine, sondaı-aq, Reseıdiń, AQSh-tyń, GFR-dń, Qazaqstan SІM-niń dıplomatııalyq ókilderine jáne týrnırdi ótkizip otyrǵan Eýrazııa ýnıversıtetine alǵys bildirdi.
Májilis komandasyn bul týrnırge Palatanyń Halyqaralyq ister, qorǵanys jáne qaýipsizdik komıtetiniń múshesi Valerıı Vıshnıchenko bastap bardy.
Jarysqa Qazaqstan shahmatynyń atyn shyǵarǵan halyqaralyq grossmeıster, respýblıkanyń birneshe márte chempıony, búginde QR Prezıdent Ákimshiliginiń jaýapty qyzmetkeri Dármen Sádýaqasov pen GFR-nyń Qazaqstandaǵy Tótenshe jáne Ókiletti elshisi Raıner Oıgen Shlageterdiń qatysýy aıyryqsha kórinis berdi.
Shahmat alańynda bári de jeńis úshin shynaıy «shaıqasqa» tústi.
Jeńistiń bas tuǵyrynda Dármen Sádýaqasovtyń komandasy, odan keıin Eýrazııa ýnıversıteti turdy. Úshinshi júldeli oryndy depýtat Valerıı Vıshnıchenko men Parlament Sharýashylyq Basqarmasy ınjenerlik ortalyǵynyń ókili Marat Qojahmetov quramyna engen Parlament Májilisiniń komandasy ıelendi.
