Astana kúni qarsańynda Sátbaev qalasynyń 12 turǵyny baspanaly boldy

SÁTBAEV. QazAqparat – Sátbaev qalasynda Astana kúni qarsańynda 12 adam páter kiltin aldy, dep habarlaıdy QazAqparat tilshisi.

Baspanaǵa ıe bolǵandar sanattar boıynsha memlekettik qordan úı alýǵa kezekte turǵan qala turǵyndary: kópbalaly jáne tolyq emes otbasylar, jetim balalar, bıýdjettik sala qyzmetkerleri, jalǵyz turǵyn úıi apattyq dep tanylǵan azamattar boldy.

Baspanaly bolǵandar qatarynda «Mereı» balalar úıiniń burynǵy tárbıelenýshisi Anastasııa Rýsnak bar.

Ol segiz jyl boıy baspana kezeginde turǵan.

«Men jetim balalarǵa kórsetilip jatqan qoldaý úshin rızamyn. Men páter kiltin astana kúni qarsańynda alǵanyma qýanyshtymyn. Meniń armanym oryndaldy. Árbir otbasynda osyndaı oqıǵa bolǵanyn qalaımyn», – dep bólisti qýanyshymen Anastasııa.

Óz kezeginde Sátbaev qalasynyń ákimi Asqar Ydyrysov páter kiltin alý baspana kezeginde turǵandar úshin eń jaǵymdy jáne qýanyshty oqıǵalardyń biri ekenin atap ótti.

Ol jańa qonystanýshylarǵa amandyq tilep, olardy kele jatqan merekecimen quttyqtady.