Astana kúni qarsańynda 300-ge tarta aýla abattandyrylady

ASTANA. 17 maýsym. QazAqparat - Astanada Qala kúni merekesine oraı tek kontsertter men merekelik baǵdarlamalar ǵana daıyndalmaı, sonymen qatar qalany abattandyrý jumystary da júrgizilýde. Bul týraly Astananyń 15 jyldyq merekesin ázirleý jáne ótkizý jónindegi uıymdastyrý komıteti shtabynyń medıatoby habarlaıdy.

Astana kúninde Saryarqa, Almaty jáne Esil aýdandarynda 300-ge tarta aýla abattandyrylmaqshy.

Jumys sáýir aıynyń ortasynda bastalyp ketken bolatyn. Kóshelerge asfalt tóselip, jaryqtandyrý tirekteri, shaǵyn sáýlet pishinindegi balalardyń oıyn alańdary, sport alańdary jabdyqtalýda. Mysaly, tek Esil aýdanynda ǵana Qala kúnine 15 sport alańy, 26 balalar oınaıtyn alań ornatylady.

Atalǵan blogtar boıynsha istelgen jumystardyń nátıjesi Qala kúnine oraı shyǵarylady. Sonymen birge merekeni ár qala turǵynynyń janyna jaqyn etip ótkizýge jaǵdaı týǵyzý josparlanǵan.

Mundaı is-sharalardyń túpki negizi - aldaǵy Qala kúnin merekeleýge jaqsy múmkindikter týǵyzyp, áleýmettik jaǵdaı jasaý. Úgit-nasıhattan góri, qala turǵyny úshin lıft, avtoturaq, balalar alańynyń oıdaǵydaı jabdyqtalyp, qala kósheleriniń muntazdaı taza bolýy merekege degen kóńil kúıin anaǵurlym arttyrary túsinikti.