Astana kúni Almatyda da qyzý toılanatyn bolady
ALMATY. 5 shilde. QazAqparat /Názıra Eleýhan/ - Jaz maýsymynyń aıryqsha merekesi - Astana kúni búginde almatylyqtardyń da aıtýly meıramyna aınalyp úlgerdi. Erteń Astana kúni Almatyda da qyzý toılanatyn bolady.
Qazirgi ýaqyttyń ózinen Almatynyń barlyq aýdanynda merekege daıyndyq jumystary bastalyp ketti.
Erteń qalanyń ár jerinde túrli merekelik sharalar, estrada juldyzdary men balalar shyǵarmashylyq toptarynyń qatysýymen kontsertter, arnaıy baıqaýlar men sýret kórmeleri, túrli konkýrstar men vıktorınalar, sonymen qatar arnaıy daıyndalǵan kontserttik qoıylymdar uıymdastyrylady.
Bul kúni sonymen qatar, «Týǵan kúnińmen, Astana!» atty án baıqaýy men shahmattan jarystar ótedi. Al, qala balabaqshalarynda «Astanam-bas qalam», «Astana boıynsha saıahat», «Astana- aq ordam» atty taqyryptyq sabaqtar, «Astana-arman qala» atty erteńgilikter ótetin bolady.
Basty sharanyń biri Astana alańynda ótedi. Qala turǵyndary men qonaqtary bul jerde estrada ánshileriniń án-shashýlaryn tamashalaı alady. Munda ótetin mýzykaly-bı keshine «Zaratushtra Band» orkestri, Live band «Basardi» toby jáne arnaıy Polshadan kelgen DJ Olo ánshileri qatysady.
Saıystar men merekelik sharalar kesh batqansha jalǵasady.
