Astana kúni qarsańynda SARYARQA RUN jappaı júgirý jarysy ótedi
ASTANA. KAZINFORM — Elorda kúnine jáne «Astana — esirtkisiz qala» aktsııasy aıasynda 5 shilde kúni SARYARQA RUN jappaı júgirý jarysy ótedi, dep habarlaıdy qala ákimdiginiń resmı saıty.
Іs-sharanyń maqsaty — turǵyndar arasynda salaýatty ómir saltyn nasıhattaý, buqaralyq sportty damytý, halyqtyń belsendiligin arttyrý jáne qorshaǵan ortaǵa uqypty qaraý mádenıetin qalyptastyrý.
— Qatysý tegin. Jarys «Yryskeldi qajy» meshitiniń aýmaǵynda (Ermek Serkebaev kóshesi, 2) ótedi. Jarystyń bastalý ýaqyty — saǵat 08:00–de. Qatysýshylar 7,6 shaqyrym jáne 4 shaqyrym qashyqtyq boıynsha baq synaıdy. Árbir elorda turǵyny men qala qonaǵy ózine qolaıly qarqynmen júgirip, jarysqa qatysa alady, — delingen habarlamada.
Uıymdastyrýshylardyń málimetinshe, júgirý baǵyty «Yryskeldi qajy» meshitinen bastalyp, Kenesary han eskertkishine deıin jalǵasady. Sol jerden qatysýshylar keri burylyp, dál osy baǵytpen márege qaıta oralady.
Jarys kezinde avtokólik qozǵalysyna shekteý qoıylmaıdy.
Qatysý úshin aldyn ala onlaın tirkeýden ótý qajet. Tirkeý 2026 jylǵy 2 shildede saǵat 09:00–de reg.elordasport.kz saıtynda ashylady.
Qatysýshylar sany 1800 adammen shektelgen. Belgilengen lımıtke jetkennen keıin tirkeý avtomatty túrde jabylady.
Tirkelgen qatysýshylarǵa arnaıy bilezikter jarys ótetin kúni — 5 shildede saǵat 06:00–07:30 aralyǵynda beriledi.
Budan buryn elordada bıyl jeti iri abattandyrý jobasy júzege asyrylatynyn jazǵanbyz.
