Astana kúni: elorda týraly 20 qyzyqty derek
ASTANA. KAZINFORM — Astana kúnine oraı Ulttyq statıstıka bıýrosynyń baspasóz qyzmeti elimizdiń bas qalasy týraly 20 qyzyqty derekti usyndy.
1. Halyq sany — 1 674 699 adam (2026 jylǵy 1 maýsymdaǵy jaǵdaı boıynsha).
2. Áıelder sany erlerge qaraǵanda kóp: 884 029 áıel, 790 670 er adam.
3. Qazaqstan boıynsha 26 adamnyń esimi — Astana.
4. 2025 jyly Astanada 27,4 myń sábı dúnıege keldi.
5. 18 jasqa deıingi balalar sany — 545 myń: onyń ishinde 280 myńy — ul, 265 myńy — qyz (2026 jyldyń basyndaǵy jaǵdaı boıynsha).
6. 2026 jyldyń alǵashqy 5 aıynda elordada 3 469-dan astam neke tirkeldi.
7. 2025 jylǵy qartaıý ındeksi — 22,9 (100 balaǵa shaqqandaǵy 65 jastan asqan qarttardyń sany).
8. Astana turǵynynyń ortasha jasy — 30,9 jas (2026 jyldyń basyndaǵy jaǵdaı boıynsha).
9. Kútiletin ómir súrý uzaqtyǵy — 78,8 jas (2025 jylǵy kórsetkish).
10. Shaǵyn jáne orta kásipkerlik sýbektileriniń sany — 274 285 (2026 jylǵy 1 maýsymdaǵy jaǵdaı boıynsha).
11. Qurylys salasyndaǵy kompanııalar sany — 18,5 myń (Qazaqstan boıynsha 1-oryn).
12. Elordada 576 myń páter bar (2025 jyl).
13. Qoǵamdyq tamaqtaný nysandarynyń sany — 6 819 (Qazaqstan boıynsha Almatydan keıingi 2-oryn). Onyń ishinde: zańdy tulǵalar, fılıaldar jáne sheteldik zańdy tulǵalardyń fılıaldary — 2 241; jeke kásipkerlik sýbektileri — 4 578.
14. Qalada 31 teatr jumys isteıdi.
15. 5 mýzeı bar.
16. 35 kitaphana halyqqa qyzmet kórsetedi.
17. Elordada 24 saıabaq ornalasqan.
18. Turaqty ınternet abonentteriniń sany — 443,4 myń (2026 jylǵy 1 maýsymdaǵy jaǵdaı boıynsha).
19. 2026 jyldyń І toqsanynda qonaqúılerde 67,9 myń sheteldik týrıst ornalasty.
20. Astanada 6 bes juldyzdy qonaqúı bar.
Osyǵan deıin Aqordanyń baspasóz qyzmeti Memleket basshysy Qasym-Jomart Toqaevtyń Astana kúnine arnalǵan quttyqtaýyn jarııalady.
