Astana kúni el boıynsha 450-ge jýyq sábı dúnıege keldi
ASTANA. KAZINFORM — Elorda kúni — 6 shildede elimizdiń medıtsınalyq uıymdarynda 448 sábı dúnıege keldi. Onyń ishinde 223 ul jáne 225 qyz bar.
Densaýlyq saqtaý mınıstrliginiń baspasóz qyzmetiniń málimetinshe, mereke kúni Qazaqstanda eki egiz dúnıege keldi, olardyń ekeýi de Astana qalasynda týǵan.
— Eń kóp náreste — 67 sábı Túrkistan oblysynda dúnıege keldi. Almaty qalasynda 44 sábı ómir esigin ashsa, Shymkent qalasy men Almaty oblysynda 40 náresteden tirkeldi, — delingen habarlamada.
Aıta keteıik, júkti, bosanatyn áıelderge jáne jańa týǵan nárestelerge perzenthana mamandary táýlik boıy qaýipsiz ári sapaly medıtsınalyq kómek kórsetýdi qamtamasyz etedi.
Budan buryn Astana kúnine oraı Ulttyq statıstıka bıýrosynyń baspasóz qyzmeti elimizdiń bas qalasy týraly 20 qyzyqty derekti usyndy.
