«Astana-Qostanaı» talgo poıyzy endi Aqtóbege deıin barady

ASTANA. KAZINFORM – Atalǵan baǵyttaǵy poıyz bıleti satylymǵa shyǵaryldy. Bul týraly Kólik mınıstrligi habarlaıdy. 

«Jolaýshylar tasymaly» AQ halyq suranysynyń artýyna baılanysty jáne tehnıkalyq múmkindikterdi eskere otyryp, bıyl 10 maýsymnan bastap №81/82 «Astana-Qostanaı» baǵytyndaǵy talgo poıyzynyń marshrýtyn Aqtóbe qalasyna deıin keńeıtý týraly sheshim qabyldady», - delingen habarlamada.

Atalǵan poıyz (№81/82) Astana, Atbasar, Esil, Qusmuryn, Tobyl, Qostanaı, Hromtaý, Áıteke bı, Nıkeltaý, jáne Aqtóbe stansasyn basyp ótedi. Jedel poıyz Astanadan jup kúnderi, al Aqtóbeden taq kúnderi jolǵa shyǵady.

«Astana-Qostanaı-Aqtóbe» baǵytyndaǵy poıyzǵa bıletter satylymǵa shyǵaryldy, ony saıty arqyly nemese vokzaldaryndaǵy kassadan satyp alýǵa bolady. Poıyz kestesin «1433» nómirine habarlasyp, tegin anyqtaý múmkindigi bar.