Astana kóshesinde shekildeýik shaqqandar 10 táýlikke qamaldy
ASTANA. QazAqparat - Astana qalalyq soty tártipke baǵynbaǵan 60-tan astam adamǵa qatysty sheshim shyǵardy.
Olar kóshege temeki tuqylyn tastap, qoqys shashyp, tipti, jurttyń kózinshe dáret syndyrǵan. Aralarynda shemishke shaǵamyn dep basy daýǵa qalǵandary basym, dep habarlaıdy 24.kz.
Sýdıa zalǵa bir-birlep engenderdiń árqaısysyna jaza taǵaıyndady. Tártip saqtamaǵandardy jurt aldynda uıaltý úshin sot protsesine stýdentter men oqýshylar da shaqyrylǵan. Uıattan jurdaı otbasyly azamattar endi zań aldynda jaýap berip, 10 kúnge qamalady. «Tárbıelik máni bar osyndaı ashyq sot protsesterin joǵary oqý oryndarynda qoǵamnyń qatysýymen jıi ótkizip turamyz. Bul aldaǵy ýaqytta eskertý retinde jáne quqyq buzýshylardy azaıtý maqsatynda jasalýda», - dedi Astana qalasy arnaıy aýdanaralyq sotynyń sýdıasy Qanat Imanálıev.
