14:56, 10 Aqpan 2024 | GMT +6
Astana kóshelerine qar kúreýge 1,6 myń arnaıy tehnıka shyǵaryldy
ASTANA. KAZINFORM - Astananyń kósheleri men trotýarlaryn qar men muzdan tazartýǵa 1,6 myńnan asa arnaıy tehnıka shyqty, dep habarlaıdy elorda ákimdiginiń resmı saıty.
10 aqpan kúni tańerteń qar tazalaý jumystaryna qalanyń kommýnaldyq qyzmetiniń 2,3 myńnan astam jol jumysshysy jáne 1,6 myńnan astam arnaıy tehnıka jumyldyryldy.
9 aqpannan 10 aqpanǵa qaraǵan túni elordadan 48 myń tekshe metrden astam qar shyǵaryldy, bul 3,4 myńnan astam aýyr júk kólemine teń.
Qys basynan beri qaladan qar polıgondaryna 309 myńǵa jýyq reıs, ıaǵnı 4,2 mln tekshe metr qar shyǵaryldy.
