Astana kóshelerin qar men muzdan 2,5 myńnan astam jumysshy men 1,3 myń arnaıy tehnıka tazartady

ASTANA. KAZINFORM - Astana kósheleriniń qaryn kúndizgi aýysymda 1300-den astam arnaıy tehnıka men 2500-den astam jol jumysshy tazartýǵa kiristi. Jaýyn-shashynnyń saldarynan qar kúreý jumysy táýlik boıy júrip jatyr, dep habarlaıdy elorda ákimdiginiń resmı saıty.

Elordadan 15 qarashaǵa qaraǵan túni 27 myń tekshe metrden astam qar shyǵaryldy, bul 2 136 myń aýyr júk kóligine teń.

Qys mezgiliniń basynan bastap qar polıgondaryna 21 myńnan astam reıspen 267 myń tekshe metrden astam qar jetkizildi.

Eń aldymen, erejege sáıkes, joldarda keptelis bolmas úshin qozǵalysy óte qarqyndy oryndar tazartylady. Sondaı-aq, qarqyndylyǵy ortasha ýchaskeler – alańdar, vokzal mańy aýmaqtary, trotýarlar, áleýmettik nysandarǵa kirme joldar jáne t.b. tazartylady.

Ortalyq kóshelerdi, jolaýshylar kóligi marshrýttary júretin oryndardy, aıaldamalar men trotýarlarda tazalaý da basymdyqqa ıe.

Qalada birneshe jabdyqtalǵan qar polıgony bar. Olar samosval tehnıkasynyń nómirlik belgilerin oqý júıesimen jabdyqtalǵan, munda beınebaqylaý kameralary ornatylyp, jaryqtandyrý qosylǵan.

Elorda turǵyndary men qonaqtarynan joldarda abaı bolýdy, qaýipsizdik erejelerin saqtaýdy, daýyldy eskertý bolǵan jaǵdaıda alys saparlarǵa shyqpaýdy suraımyz.

Tótenshe jaǵdaı týyndaǵan kezde «112» nómirine habarlasyńyz.