Astana kósheleriniń birine Qarataı Turysovtyń esimi berilýine oraı depýtat áriptesteri atynan alǵys aıtty
ASTANA. Qyrkúıektiń 8-i. QazAqparat - Búgin Palatanyń jalpy otyrysynda Parlament Májilisiniń depýtaty Ramazan Sárpekov elordanyń bir kóshesine Qarataı Turysovtyń esimin bergeni úshin Astana qalasynyń ákimdigi men máslıhatyna áriptesteri atynan alǵysyn jetkizdi,
dep habarlaıdy QazAqparat.
Memleket jáne qoǵam qaıratkeri, Parlament Májilisiniń birinshi jáne ekinshi shaqyrylymynyń depýtaty bolǵan Qarataı Turysov elimizdiń órkendeýine qyrýar úles qosqan tulǵa. Ekonomıka ǵylymdarynyń doktory, Qazaqstan Kompartııasy Ortalyq Komıtetiniń hatshysy, Kásipodaqtardyń Búkilodaqtyq Ortalyq Keńesiniń hatshysy, Memlekettik keńesshi, Qazaq KSR Premer-Mınıstriniń orynbasary, Qazaqstan Respýblıkasynyń Týrızm, dene shynyqtyrý jáne sport mınıstri, Qazaqstan Respýblıkasy Ortalyq saılaý komıssııasynyń tóraǵasy qyzmetterin atqarǵan. Qazaqstan Respýblıkasy Parlament Májilisiniń Qarjy jáne bıýdjet komıtetiniń tóraǵasy boldy.
Qarataı Turysov 2004 jyly tamyzdyń 1-inde 71 jasqa qaraǵan shaǵynda qaıtys boldy.
