Astana kóshelerine 6 myńnan astam sary tústi konteıner qoıylady
ASTANA. QazAqparat - Sary tústi alty myńnan astam konteıner qala kóshelerinde shildede paıda bolady, dep habarlaıdy Astana ákimdiginiń resmı saıty.
Elordada qatty turmystyq qaldyqtardy ekige bólip jınaýdy uıymdastyrý jobasy iske asyryla bastaıdy. Jobany elorda ákimdigi men «Operator ROP» JShS birlesip ázirledi. Birinshi kezeńde ázirleýshiler turǵyndarǵa qoqysty bólip jınaýdyń erejeleri men basymdyqtaryn túsindiretin bolady.
Al shildede alańdarda sary tústi 6276 konteınerdi ornatý jumystary bastalmaq. Bul konteınerler metall, plastık, qaǵaz, shyny sııaqty qurǵaq qaldyqtarǵa arnalǵan.
Jasyl tústi myryshtalǵan konteınerlerge azyq-túlik qaldyqtaryn, óńdelmeıtin organıkalyq qoqysty tastaý kerek.
Qaldyqtardy bólip jınaýdyń qanshalyqty paıdaly ekendigin AQSh-ta, Túrkııada, Qytaıda, Shveıtsarııada, Ispanııada, Belgııada, basqa da elderde turatyn otandastarymyz aıtyp otyr.
