Astana kóshelerindegi baǵdarshamdardyń rejimi ózgertilmek - Jol polıtsııasy
ASTANA. Aqpannyń 25-i. QazAqparat /Jasulan Amanbaıuly/ - Astana kóshelerindegi baǵdarshamdardyń rejimi ózgertilmek.
Bul týraly búgin jýrnalısterge Jol polıtsııasy basarmasy jol baqylaý bóliminiń bastyǵy Nurlan Ývaev málim etti, dep habarlaıdy QazAqparat.
Engiziletin ózgerister Kenesary kóshesi - Jeńis dańǵyly, Saryarqa dańǵyly - Kenesary kóshesi jáne Saryarqa - Abaı kósheleriniń qıylysynda engizilip, ondaǵy baǵdarsham obektileriniń jumys rejimi túzetiledi. Dál osyndaı ózgertýler Respýblıka dańǵyly men Imanov kóshesiniń qıylysynda jasalǵan bolatyn.
N. Ývaevtyń aıtýynsha, Kenesary, Jeltoqsan, Jeńis, Saryarqa, Abaı kóshelerinde kólik kepteleginiń ulǵaıýy, kólik qatynasynyń qıyndaýyna ákelip soqty. Jol polıtsııasynyń, Jolaýshy kóligi jáne avtomobıl joldary basqarmasynyń atalǵan jańashyldyqtary osy kóshelerdegi kólikter aǵynynyń azaıýyna sebep bolady.
«Kenesary jáne Abaı kóshesimen týra baǵytpen Saryarqa dańǵyly jaqqa, Kenesary kóshesiniń Saryarqa dańǵylynan Jeńis dańǵylyna baǵyttalǵan bóliginde kele jatqan kólikterdiń júrip ótý qabilettiligi arttyrylady, kólik aǵynynyń kedergisiz ótýine jáne kólik kepteleginiń azaıýyna ákeledi», dep atap kórsetti Jol polıtsııasynyń bólim bastyǵy N. Ývaev.
«Respýblıka dańǵyly men Imanov kóshesiniń qıylysynda jasalǵan ózgertýler qoǵam ishinde túsiniksizdikter týǵyzyp, júrgizýshilerdiń synyna ushyraǵan bolatyn. Degenmen bul Keńes odaǵy kezeńinen kele jatqan kólik keptelisine qarsy eń tıimdi ádis», deıdi N. Ývaev.
