Astana kóshelerinde jol belgileri jańartylady
ASTANA. QazAqparat - Elorda kóshelerinde jol jóndeý jumystarymen qatar belgiler de jańartylady. Qazirgi kezde joldardyń 17 ýchaskesinde belgiler qaıta salyndy. Qalada jol jabynyn tańbalaý boıynsha júrgiziletin jumys aýdany 200 myń sharshy metr joldy qamtıdy.
Elordanyń resmı saıtynyń habarlaýynsha, búgingi tańda І.Esenberlın kóshesinde (Y. Altynsarın kóshesinen Respýblıka dańǵylyna deıin), Orynbor kóshesinde (Hýseın ben Talal kóshesinen áýejaı tasjolyna deıin), T. Rysqulov kóshesinde (Orynbor kóshesinen Qabanbaı batyr dańǵylyna deıin), Táýelsizdik dańǵylynda (J. Nájimedenov kóshesinen A. Pýshkın kóshesine deıin), Nájimedenov kóshesinde (Táýelsizdik dańǵylynan Sh. Qaldaıaqov kóshesine deıin) jol ústindegi belgiler jańartyldy.
Sonymen qatar, A. Baıtursynov kóshesinde (Saraıshyq kóshesinen Q. Amanjolov kóshesine deıin), Qabanbaı batyr dańǵylynyń batysy men shyǵysynda, Q. Muńaıtpasov kóshesinde (M. Jumabaev dańǵylynan Táýelsizdik dańǵylyna deıin), B. Momyshuly dańǵylynda (Táýelsizdik dańǵylynan Saraıshyq kóshesine deıin), «Aq Orda» jolynda, M1 kópirinde (B. Momyshuly dańǵylynan Túrkistan kóshesine deıin), áýejaı tasjolynan Ctelaǵa deıingi jol jabynyn tańbalaý júzege asyryldy.
Munymen qosa, mamyr aıynyń sońyna deıin B. Momyshuly dańǵylynda (Táýelsizdik dańǵylynan Abylaı han dańǵylyna deıin), Saraıshyq kóshesinde (Túrkistan kóshesinen Turan dańǵylyna deıin), Túrkistan kóshesinde (Syǵanaq kóshesinen Saraıshyq kóshesine deıin) tıisti jumystar aıaqtalmaq.
