Astana kóshelerinde nóser jaýyn saldarynan kólik keptelisi qalyptasty
Astana q. ІІD baspasóz qyzmetiniń derekterine keptelis Qutpanov - Birjan sal kósheleri, Jeńis dańǵyly - Esenberlın kóshesi, Qorǵaljyn tas joly - Beısekov kóshesi, Ǵabdýllın kóshesi - Imanov kóshesi, Orynbor kóshesi - Kópir-2, Orynbor kóshesi - Shalqyma kóshesi, Saýran kóshesi - Almaty kóshesi, Dostyq kóshesi - Saýran kóshesi qıylystarynda qalyptasty.
Aýa raıynyń nasharlaýyna baılanysty Astana qalasy ІІD jergilikti polıtseı qyzmeti júrgizýshilerge jolda abaı bolýǵa jáne jol qozǵalysy erejesin qatań saqtaýǵa shaqyrdy.
«Jaýyn saldarynan jol nashar kórinedi, asfalt ta taıǵaq. Qaýipsiz qashyqtyqty saqtap, qolaısyz aýa raıy kezindegi jyldamdyq rejimin tańdańyzdar. Jol belgileri nusqaýyn, turaq, aıaldama erejelerin oryndańyzdar. Júrginshiler de abaı bolǵany jón. Jergilikti polıtsııa qyzmeti júrginshilerden joldan belgilengen oryndardan ǵana ótýin suraıdy», dep habarlady qyzmet ınspektory L. Bısembaeva.
Astanada ótken demalysta júrgizýshiler áleýmettik jelige nóser jaýynnyń ákelgen jaısyzdyqtary túsirilgen vıdeolardy jarııalady.
Keıinnen elorda ákimi Á. Isekeshev Astanada birneshe kúnde aılyq norma túskenin atap ótip, qolaısyzdyq úshin jurtshylyqtan keshirim surady. Qazgıdromettiń boljamynsha taıaý úsh kún Qazaqstan boıynsha jaýyn-shashyndy bolmaq.