Astana kóshelerinde qar shyǵarý jumystarynyń 70 paıyzy aıaqtaldy - Temir Ábıjanov

ASTANA. QazAqparat - Qardyń mol túsýine baılanysty (norma 9 mm, elordada túsken qar mólsheri 14 mm quraıdy) qalalyq kommýnaldyq qyzmetter kóshelerdi tazarta bastady. Búgingi tańda tıisti jumystarǵa 778 arnaıy tehnıka men 1400-den astam jumysshy tartyldy, dep habarlady astana.kz.

Búgin Astana qalasynyń Kommýnaldyq sharýashylyq basqarmasy basshysynyń orynbasary Temir Ábıjanovtyń jýrnalıstterge júrgizilip jatqan qar tazalaý jumystary jaıly kórsetip, aıtyp berdi. 10-19 qarashada jumystarǵa 778 tehnıka birligi, 1404 jumysshy jumyldyryldy, sonyń ishinde:

- Almaty aýdanynda 192 tehnıka birligi, 461 jumysshy; - Saryarqa aýdanynda 129 tehnıka birligi, 238 jumysshy; - Esil aýdanynda 457 tehnıka birligi, 705 jumysshy; «Barlyq kommýnaldyq qyzmetter daıyn. Qar tazalaý jumystary shttattyq rejimde júrgiziledi. Alańdaıtyn eshteńe joq», - dedi Temir Ábıjanov. Onyń aıtýynsha, qala aýmaǵynan qar shyǵarý jumystary kúndiz-túni júrgiziledi. Qala kósheleri men joldardaǵy, aýlalardaǵy qar tazartylyp jatyr. 18 qarashada qalalyq kommýnaldyq qyzmetter 23 000 tekshe m qar shyǵardy. Búgingi tańda kóshelerdiń 70% qar shyǵarý jumystary aıaqtaldy. Jalpy, 27 qazan men 18 qarasha aralyǵynda 67 951 tekshe metr qar shyǵaryldy. Jyl saıyn kóshelerdi tazalaýǵa arnalǵan arnaıy tehnıka sany artyp keledi, kósheler men trotýarlardy tazalaý jumystary kún saıyn júrgiziledi. Kóktaıǵaqpen kúresý úshin 25 000 m3 qum-tuz qospasy ázirlendi. Jalpy, kommýnaldyq qyzmetter qysta qala aýmaǵyn tazartý jumystaryna daıyn.