Astana kóshelerin taǵy sý basty (FOTO)
ASTANA. QazAqparat - Nóser jaýyn saldarynan Astana kóshelerin taǵy sý basyp jatyr. Orynbor, Qonaev kósheleri men Respýblıka dańǵylyna sý jınalyp qaldy.
«№10 avtobýstyń jolaýshylary smartfondaryna Orynbor-Qonaev kósheleriniń qıylysynda jınalǵan sýdy túsirip alǵan. Avtobýs qala kóshelerinde «júzip júr», - deıdi elorda turǵyny.
Sınoptıkterdiń boljamyna qaraǵanda, búgin respýblıkanyń basym bóligi jaýyn-shashyndy bolady. Sondaı-aq birqatar aımaqtarda burshaq jaýýy múmkin dep boljanǵan bolatyn.
