Astana kóshelerin taǵy da sý basty

ASTANA. QazAqparat - Búgingi jaýynnan keıin elorda kóshelerin taǵy da sý basty, dep habarlaıdy QazAqparat.

Áleýmettik jelilerde sý basqan aýmaqtardyń vıdeosy tarady.

Ákimdik taratqan málimetke qaraǵanda qala boıynsha 100-den astam arnaıy tehnıka jumyldyrylǵan.

Sý basqan ýchaskelerde brıgadalar jumys istep jatyr.

Elorda eco system uıymy jer ústi aǵynyn burý maqsatynda kollektorlar men jańbyr qabyldaǵyshtardy, qubyrlardy, nóser kárizderin tazartý, káriz júıeleriniń qurylysy jáne t.b. jumysty atqaryp jatyr.

«Bul jumys 200-den astam problemalyq ýchaskede sý basý problemasyn sheshýge múmkindik bergen bolatyn. Nóserli káriz jelileri men tazartý qurylystaryn salý máselesi qala ákimdiginiń baqylaýynda», - deıdi ákimdikten.

Bıyl jerústi sý aǵynyn burý úshin 2,5 km nóser káriziniń magıstraldy jelilerin salý josparlanǵan.