«Astana» kóshbasshysy Fabıo Arý arab komandasyna aýysty
ASTANA. QazAqparat - 27 jastaǵy ıtalııandyq veloshabandoz Fabıo Arý «Astanamen» alty jyldyq jumysynan keıin arab komandasy UAE Team Emirates-pen úsh jyldyq kelisimshartqa qol qoıdy, dep habarlaıdy Sports.kz.
«UAE Team Emirates komandasynyń basshylyǵy men demeýshileriniń velosporttaǵy ortaq maqsat-múddelerimizdi biriktirgisi keletini men úshin úlken qurmet, maǵan artqan senimderiniń arqasynda olardyń úmitterin aqtaımyn dep oılaımyn. Osy ýaqytqa deıin menimen birge jumys istep, sporttyq mansabyma jetýge kómekteskenderge alǵysymdy bildirgim keledi», - dedi Arý.
Óz kezeginde, UAE Team Emirates ataqty sportshynyń ózderiniń komandasyna oralýyna qatysty pikir aıtty.
«Biz Fabıo Arý syndy chempıonnyń komandamyzǵa kelýine qýanyshtymyz. Onyń sheberligi bizdiń komandamyzdyń alǵa qoıǵan maqsattarymen tamasha úılesedi. Arý - jarys kezindegi márttigimen jankúıerleriniń súıispenshiligine bólengen shabandoz», - dedi UAE Team Emirates-tiń sporttyq dırektory Karlo Saronnı.
