Astana-Qorǵaljyn avtojolynda 20 kólik qar qursaýynda qaldy
ASTANA. QazAqparat - Astana - Qorǵaljyn - Qorǵaljyn qoryǵy (170 km) kúre jolynda 20 jeńil kólik pen 30-dan astam adam qar qursaýynda qaldy.
Adamdar kómek surap qutqarýshylarǵa habarlasty, áleýmettik jelilerge jazdy.
«Aqparat dereý Qorǵaljyn aýdanynyń ákimi men ákim orynbasaryna berildi. Tehnıkalar turyp qalǵan jerge «Gaz-66 Vahtovka» men kúreýishi bar frontaldyq júk tıegish kóligi attandy», - dep málim etti QR ІІM Tótenshe jaǵdaılar komıtetiniń resmı ókili Rýslan Imanqulov.
Resmı ókil atap ótkendeı, qazirgi ýaqytta adamdardy qaýipsiz jerge shyǵarý jáne tehnıkalardy tirkep súıreý jumystary júrgizilýde. Jumystar kún raıynyń nasharlaýymen qıyndatylýda.
