«Astana» Konferentsııa lıgasyn jeńispen bastady
ASTANA. KAZINFORM — Búgin fýtboldan UEFA Chepıondar lıgasy birinshi irikteý kezeńinde qazaqstandyq «Astana» syrt alańda Albanııanyń «Dınamo Sıtı» komandasymen kezdesti.
Kezdesý barysynda qos komanda jyldam gol soǵý múmkindigin izdegen edi. Degenmen olar dittegen maqsatyna jetken joq. Birinshi kezeńde qarsylastar bir-biriniń qaqpasynan sańylaý taba almady.
Ekinshi kezeńde qazaqstandyq komanda shabýyl shebinde kóbirek boı kórsetti. Nátıjesinde oıynnyń 69-mınýtynda áriptesi Marıon Tomasovtyń bergen pasyn Ramazan Karımov golǵa aınaldyrdy.
Osylaısha «Astana» qarsylasynan 1:0 esebimen basym tústi.
Endi qarymta kezdesý 16 shildede elordada ótkiziledi.
Aıta ketsek, budan buryn qazaqstandyq «Elimaı» (Semeı) Konferentsııa lıgasy birinshi irikteý kezeńinde syrt alańda Armenııanyń «Alashkert» komandasymen 1:1 esebimen teń tústi.
Sondaı-aq qostanaılyq klýb Konferentsııa lıgasyn ekinshi irikteý kezeńinen bastaıdy.
Qarsylasy — Lıtvanyń «Panevejıs» klýby.
Al budan buryn almatylyq «Qaırat» UEFA Chempıondar lıgasy 2026/27 maýsymynyń birinshi irikteý kezeńindegi alǵashqy matchynda Chernogorııanyń «Sýteska» klýbyn 2:1 esebimen jeńdi.
