Astana qonaqúılerinde sheteldikterdi tirkeıtin onlaın-servıs iske qosyldy
ASTANA. QazAqparat - Qazaqstanda qonaqúılerge toqtaıtyn shetel azamattaryn tirkeýge arnalǵan onlaın-servıs iske qosyldy, dep habarlady «QazAqparat» HAA.
«Qazaqstanda qonaqúılerge toqtaǵan shetel azamattaryn tirkeý úshin onlaın-servıs iske qosyldy. Jańa format kóshi-qon qyzmeti ókilderiniń qatysýynsyz bes mınýt ishinde kelgen qonaqty tirkeýge múmkindik beredi. Astana Konvenshn Bıýro elektrondy-tsıfrlyq qoltańbany jedeldetip alý qajettigin túsindirý boıynsha qala qonaqúılerimen jumysty jalǵastyrýda», - dedi Astana Konvenshn Bıýro dırektory Sanııar Áıtekenov.
Onyń aqparatyna sáıkes, taǵy 30-ǵa jýyq qonaqúı osy máseleni pysyqtaý úshin Astana qalasynyń prokýratýrasyna joldandy.
Astana Konvenshn Bıýro - qalanyń týrıstik sektoryn josparlaý, damytý jáne jyljytý boıynsha negizgi uıym, Astana qalasynyń ınvestıtsııalar jáne damý basqarmasynyń janynan quryldy.
