«Astana» komandasynyń Týr de Frans jarysyna qatysatyn quramy belgili boldy
ALMATY. QazAqparat - «Astana» komandasy 6 shildede Brıýsselde bastalatyn Týr de Frans álem jarysyna qatysatyn veloshabandozdarynyń tizimin jarııalady, dep habarlaıdy QazAqparat tilshisi.
Komanda jetekshisi - ıAkob Fýlsang. Komandada Alekseı Lýtsenko, Gorka Isagırre, Pelo Bılbao, Magnýs Kort, Lýıs Leon Sanches, Omar Fraıle jáne Ýgo Ýl bar.
«Mundaı kúshti jáne tájirıbeli komandamen joǵary nátıjege qol jetkizý úshin barymyzdy salamyz. Jarysta eki sport dırektory komandamen jumys isteıdi, olar - Lars Mıhaelsen jáne Brýno Chenıalta»,- deıdi sport menedjeri Dmıtrıı Fofonov.
Onyń aıtýynsha, bul joly tájirbıesi mol ári myqty komanda jasaqtaldy.
«Bul komandadaǵy veloshabandozdardyń qorjynynda 13 jeńis bar. Sondaı-aq, bizdiń kóshbasshy ıAkob Fýlsang osy maýsymda Lej-Baston-Lej sııaqty birqatar mańyzdy jarystarda jeńiske qol jetkizdi. Bizdiń barlyq sportshylarymyz Týr de Frans jarysyna qatysqan, tájirıbesi jetkilikti. Bul joly Ýgo Ýl men Pelo Bılbao jarysqa shyǵady. Ýgo myqty shabandoz retinde tanymal. Pelo Bılbaoǵa keler bolsaq, oǵan eshkim teń kelmeıdi. Ol taýdaǵy jarystarda ózin birneshe márte moıyndatqan. Sońǵy Djıro d'Italııa jarysynda eki kezeńde de jeńisti qoldan bermedi. Árıne, Týr de Frans jarysynda bir ǵana jeńimpaz bolady. Desek te, álem týrynan úmittimiz. Kez kelgen jaǵdaıǵa 100 paıyz daıynbyz», - deıdi sport menedjeri.
Týr de Frans 6 shildede Brıýssel qalasynan bastalyp, 28 shildede Parıjde aıaqtalady.
